Saturday, August 9, 2008

"ഇഞ്ചിയും കുരങ്ങന്മാരും"

ഈ ബ്ലോഗ് തുടങ്ങണം എന്ന് വിചാരിച്ചിരുന്നതല്ല . ഗൌരവതരമായ വിഷയങ്ങള്‍ ചര്‍ച്ച ചെയ്യുവാനും , ചില പരിഹാരങ്ങള്‍ കണ്ടെത്തുവാനുംമായി ഒരു ബ്ലോഗ് റെജിസ്റ്റര്‍ ചെയ്തതുമാണ്. ബ്ലോഗുകളിലൂടെ സഞ്ചാരം തുടങ്ങിയിട്ട് ഇപ്പോള്‍ നാല് മാസങ്ങള്‍ മാത്രമെ ആകുന്നുള്ളൂ. നമ്മുടെ രാജ്യം അഭിമുഖീകരിക്കുന്ന പ്രശ്നങള്‍ക്ക് , അച്ചടി, ദ്രശ്യ മാദ്ധ്യമങ്ങളില്‍ നിന്നും വ്യത്യസ്തമായ ഒരു സമീപനമാണ് ബ്ലോഗുകളില്‍ നിന്നും പ്രതീക്ഷിച്ചത്. പക്ഷേ ചുരുങ്ങിയ സമയത്തിനുള്ളില്‍ ഒന്നു വ്യക്തമായി. നൂറില്‍ തൊണ്ണൂറു മലയാളികള്‍ക്കും എവിടുന്നെങ്കിലും കിട്ടുന്ന സ്തിഥി വിവരകണക്കുകള്‍ ലഭ്യമായ ഏത് സദസ്സിലും വിളിച്ചു പറഞ്ഞു ബുദ്ധി ജീവി കളിക്കുന്നതിലാണ് താത്പര്യം എന്ന്. തങ്ങള്‍ക്ക് യാതൊരു തരത്തിലും സ്വാധീനിക്കുവാന്‍ കഴിയാത്ത പ്രശങ്ങള്‍ ചര്‍ച്ച ചെയുക. ഗൂഗിളിന്റെ സഹായത്താല്‍ ലഭിക്കുന്‍ കണക്കുകളും വിവരങ്ങളും നിരത്തി സ്വയം ആനന്ദിക്കുക ഇതാണ് പൊതുവെ ഗൌരവതരം എന്ന് ലേബലില്‍ മിക്ക ബ്ലോഗുകളുടെയും നില. ചുരുങ്ങിയ പക്ഷം ഒരു പത്ര പ്രവര്‍ത്തകന്റെ രീതിയില്‍ കാര്യങ്ങള്‍ അവതരിപ്പിച്ചു കണ്ടത് കിരണ്‍ തോമസ് തോമ്പില്‍ എന്ന ബ്ലോഗറുടെ എഴുത്തുകളിലാണ്. ( മറ്റുള്ളവ ഞാന്‍ കാണാത്തതാവാം. അങ്ങിനെയെങ്കില്‍ അവ ചൂണ്ടി കാണിച്ചാല്‍ ഉപകാരം ) അത് കൊണ്ട് പ്രഹസനം എന്ന് തോന്നുന്നവയെ പ്രഹസനം എന്ന് വിളിക്കുവാന്‍ വേണ്ടി മാത്രമാണ് ഇതിന് ഞാന്‍ മുതിരുന്നത്. എന്ത് കൊണ്ടവ പ്രഹസനമാണെന്ന് സ്ഥിതി വിവര കണക്കുകള്‍ എനിക്ക് നിരത്തേണ്ടി വരൂ. കാരണങ്ങള്‍ പറയുമെങ്കിലും ഇവിടെ നിന്നും വായനക്കാര്‍ ലിന്കുകളും മറ്റും പ്രതീക്ഷിക്കരുത്.

ഇനി വിഷയത്തിലേക്ക്...
ഈ ബ്ലോഗു തുടങ്ങുവാനുള്ള കാരണം കുറച്ചു കൂടി കൃത്ത്യമായി പറഞ്ഞാല്‍ ഇഞ്ചി പെണ്ണ് എന്ന ബ്ലോഗറുടെ 'ബംഗാളിലെ കലാവതിമാര്‍' എന്ന പോസ്റ്റാണ്. വിഷയം ഇന്ത്യ കണ്ട ഏറ്റവും വലിയ കുതിര കച്ച്ചവടങ്ങള്‍ക്കിടയില്‍ രാഹുല്‍ ഗാന്ധി സഹതാപിച്ച്ച കലവതിയെക്കുറിച്ചും, ബംഗാളിലെ പൊതു വിതരണ സംവിധാനത്തിലെ അഴിമതികള്‍ക്കെതിരെ നടക്കുന്ന പ്രക്ഷോഭണങ്ങളെക്കുറിച്ചും. വായിച്ചു കഴിഞ്ഞപ്പോള്‍ ആദ്യം തോന്നിയത് ഇന്ത്യയെ മധ്യവര്‍ത്തി സമൂഹത്തിന്റെ സ്കൂള്‍, കോളജ് ജീവിതങ്ങളിലൂടെ മാത്രം കണ്ട്, ദിനപത്രങ്ങള്‍ വായിച്ചുള്ള അറിവ് മാത്രം മുതല്‍ക്കൂട്ടാക്കിയ ഒരു മലയാളി, എങ്ങിനയോ ജീവിതം കരുപ്പിടിപ്പിക്കുവാന്‍ വിദേശ രാജ്യത്തെതിയത്തിനു ശേഷം ഇന്ത്യക്കാരെ നോക്കി "പുവര്‍ ഇന്ത്യന്‍സ്‌ . ഇത്ര ദാരിദ്രവാസികളായി പോയല്ലോ" എന്ന ആത്മഗതമാണ് അത് എന്നാണ്.
ആ പോസ്റ്റിനു വന്ന കമന്റുകള്‍ അതിലും വിശേഷം . കുറെ ഇടതുപക്ഷ മന്ദബുദ്ധികള്‍ ഗൂഗിള്‍ വിവരങ്ങളുമായി ബംഗാളിനെ അനുകൂലിച്ചു മുദ്രാവാക്ക്യം വിളി തുടങ്ങി. മറുപടിയായി എഴുത്തുകാരന്‍/രി ആശ്രയിച്ചത് ഗൂഗിള്‍ വിവരങ്ങളെ തന്നെ. കുറച്ചു വായിച്ചു കഴിഞ്ഞപ്പോള്‍ പോസ്റ്റില്‍ പറഞ്ഞിരിക്കുന്ന പൊതുവിതരണ സംവിധാനത്തിലെ അഴിമതികളും, കലാവതിയും എല്ലാം പിന്നപുറത്തേക്ക് നീങ്ങി ഇടതു വലത് വടംവലിയായി പോസ്റ്റ് മാറുന്ന കാഴ്ച്ച കണ്ടപ്പോള്‍ വാഗ്വാദം നടത്തുന്നവരോട് ഞാന്‍ കമന്റിലൂടെ ഒരു ചോദ്യം ചോദിച്ചു ...
"പ്രശ്നം ഇടതോ വലതോ എന്നുള്ളതല്ല. ആരെയും ബുദ്ധിമുട്ടിക്കാതെ കൃഷി ജീവിതമാര്‍ഗ്ഗമാക്കി ആത്മാഭിമാനത്തോടെ സ്വന്തം കുടുംബം പുലര്‍ത്തിയിരുന്ന കലാവതി അതിവര്‍ഷത്താല്‍ കൃഷി നശിച്ചത് കാരണം ഇന്നു പട്ടിണിയിലാണ്. പ്രകാശ് കാരാട്ടോ, രാഹുല്‍ ഗാന്ധിയോ ആരായാലും അവരെ സഹായിക്കുമെങ്കില്‍ അത് നന്മ. അല്ലാതെ പാര്‍ലമെന്റിലേക്കു ഒരു പ്രഹസനം എന്ന നിലയിലാണ്‌ അവരെ വലിച്ചിഴച്ഛതെങ്കില്‍ അത് നികൃഷ്ടം . ബംഗാളിലും ഉരുക്ക് തിരശീല മാത്രക കൊണ്ടു വരാനുള്ള ശ്രമത്തിലാണെന്ന് തോന്നുന്നു വിപ്ലവകാരികള്‍ . വിശക്കുന്നവനു വെടിയുണ്ടാ ഭക്ഷണം ...അതിലേക്കു തന്നെ വളരണം ഇന്ത്യ. എഴുത്തുകാരിയോടു ഒരു ചോദ്യം . ആത്മരോഷം നല്ലത് തന്നെ. പക്ഷേ പ്രകടിപ്പിക്കുമ്പോള്‍ അതുകൊണ്ട് എന്തെങ്കിലും പ്രയോജനം ആര്ക്കെങ്കിലും വേണ്ടേ? വേണം എന്നാണ് എന്റെ പക്ഷം. ഭവതി ഇന്ത്യയിലല്ല സ്ഥിര താമസം എന്ന് എഴുത്തിന്റെ രീതിയില്‍ നിന്നും ( ഇതും , മുന്‍പേയുള്ള പോസ്റ്റുകളും വായിച്ച ശേഷമാണി കമന്റ്റ് ) ഊഹിച്ചു കൊണ്ടു ചോദിക്കട്ടെ ...നിങ്ങള്‍ക്ക് ഒരു തരത്തിലും സ്വാധീനം ചെലുത്തുവാന്‍ സാധിക്കാത്ത ഇത്തരം പ്രശ്നങ്ങളില്‍ ധാര്‍മിക രോഷം പ്രകടിപ്പിച്ചത് കൊണ്ടു എന്തെങ്കിലും പ്രയോജനം ഉണ്ടാകുമോ? ചുരുങ്ങിയ പക്ഷം ആത്മസംതൃപ്തിയെങ്കിലും ? തിരിച്ചടിക്കാന്‍ പറ്റാത്തവനോടുള്ള രോഷം തെങ്ങില്‍ ചവുട്ടി തീര്‍ക്കുന്നത് പോലെയല്ലേ ഉള്ളിത്. അല്ല അണ്ണാര്‍ക്കണ്ണനും തന്നാലായത് എന്നാണ് ഉത്തരമെങ്കില്‍ പേരും മേല്‍വിലാസവും വെച്ചു ഈ പറഞ്ഞ സംഭവങ്ങള്‍ ( കലാവതിയും , ബംഗാളും ) നടന്ന സ്ഥലങ്ങളില്‍ അധികാരമുള്ള കോടതികളിലേക്ക് ഒരു പൊതു താത്പര്യ ഹര്‍ജി ( കോടതിയില്‍ നേരിട്ടു ഹാജരാകുവാനുള്ള വിമുഖതയോ, അസൌകര്യമോ വ്യക്തമാക്കാന്‍ മറക്കരുത് ) ഒരു പോസ്റ്റ് കാര്‍ഡില്‍ എഴുതി രജിസ്റ്റേര്‍ഡായി അയച്ചാല്‍ ഇതില്‍ കൂടുതല്‍ ആത്മ സംതൃപ്തി കിട്ടില്ലേ ? അതിന് താത്പര്യം ഉണ്ടെങ്കില്‍ ഒട്ടും ബുദ്ധിമുട്ടേണ്ടാ ...കമന്റ്റായി താത്പര്യം ഉണ്ട് എന്ന് എഴുതിയിട്ടാല്‍ മേല്പ്പറഞ്ഞ കോടതികളുടെ മേല്‍വിലാസം ഞാന്‍ തന്നെ അന്വേഷിച്ചു കണ്ടെത്തി കമന്റ്റായി ഇടാം . ഒപ്പം ഒരു പൊതു താത്പര്യ ഹര്‍ജ്ജി ഞാനും അയക്കാം ...ഹര്ര്‍ജി പരിഗണിക്കുകയോ , തള്ളുകയോ ചെയ്യട്ടേ ...പക്ഷേ ആ ഹര്‍ജ്ജിയിലെ എഴുത്തല്ലേ ഈ പോസ്റ്റിലധികം ആത്മസംതൃപ്തി തരുക? അതിന് ശേഷം ആ ഹര്ജ്ജിയുടെ ഒരു പകര്‍പ്പ് കാണിച്ചുകൊണ്ടുള്ള "കണ്ടോടാ എവിടെയായാലും ഇന്ത്യക്കായി എനിക്ക് കഴിയുന്നത്‌ ഞാന്‍ ചെയ്യുന്നുണ്ട് . നീയൊക്കെ ഇങ്ങനെ നടന്നോ ' എന്ന മട്ടിലുള്ള ഒരു പോസ്റ്റായിരുന്നു ഇതെങ്കില്‍ എന്നാശിച്ചു പോയി. അത്യാഗ്രഹമെങ്കില്‍ വിട്ടേക്കുക അല്ലാ എന്റെ ബ്ലോഗില്‍ ഞാന്‍ എനിക്ക് ഇഷ്ടമുള്ളതെഴുതും താനാരാ ചോദിയ്ക്കാന്‍ എന്നാണുത്തരം എങ്കില്‍ ...ഞാന്‍ ഇന്ത്യയില്‍ ഒരു സാധാരണ പൌരനായി ജീവിക്കുവാന്‍ ഒരുപാടാഗ്രഹമുള്ള ഒരാള്‍ ...അത്ര മാത്രം. എന്റെ അഭിപ്രായം മാത്രമാണിത്. താങ്കള്‍ എന്ത് ചെയ്യണം ചെയ്യണ്ട എന്നതിനുള്ള മാര്‍ഗ്ഗരേഖയായി ഇതിനെ കാണരുത് എന്നപേക്ഷ .കമന്റിന്റെ ദൈര്‍ഘൃം സദയം ക്ഷമിക്കുക
അര്‍ജ്ജുന്‍"
ഇതിന് മറുപടിയൊന്നും കാണാത്തപ്പോള്‍ ഏകദേശം ഞാന്‍ ആദ്യം പറഞ്ഞതു തന്നെയാണ് ( ബുദ്ധിജീവി കളി ) പ്രശനം എന്ന് മനസിലാക്കിയ ഞാന്‍
"അച്ചടി ദൃശ്യ ശ്രവണ മാധ്യമങ്ങളില്‍ സാംസ്കാരിക നായകന്മാര്‍ നടത്തുന്ന 'ക്രിയാത്മകമായ ആശയ സംവാദം' എന്ന അനന്തമായ അന്യന്‍റെ വിഴുപ്പലക്കുകളില്‍ നിന്നും വ്യത്യസ്തമായി ക്രിയ്ത്ത്മാകമായ പ്രശ്ന പരിഹാരങ്ങള്‍ ഉരുത്തിരിയുവാന്‍ സാധ്യതയുള്ള ഒരു മാധ്യമം എന്ന നിലയിലാണ് മലയാളം ബ്ലോഗുകളെ ഞാന്‍ സമീപിച്ചത് ( മലയാളം ബ്ലോഗുകളിലൂടെ സഞ്ചാരം തുടങ്ങിയിട്ടധിക കാലം ആയിട്ടില്ലാ) . പക്ഷേ ഈ പോസ്റ്റും അതിനനുബന്ധമായ് വന്ന കമന്റുകളും വായിച്ചപ്പോള്‍ ഒന്നു വ്യക്തമായി. പ്രശ്ന പരിഹാരത്തിന് ആര്‍ക്കും താത്പര്യമില്ല . (പോസ്റ്റ് കലാവതിയെക്കുറിച്ച്ചും , ബംഗാളിലെ ഭക്ഷണ ക്ഷാമാത്തിനെതിരെയുള്ള സമരം അടിച്ചമര്‍ത്തപ്പെട്ടതിനെയും കുറിച്ച് ...സംവാദങ്ങള്‍ ഇപ്പോള്‍ എത്തി നില്ക്കുന്നത് കമ്മ്യുണിസ്റ്റ് - കോണ്ഗ്രസ്സ് ആശയ സംഘട്ടനത്തില്‍) . ഒരു വിഭാഗത്തിനു ബുദ്ധി ജീവികള്‍ എന്ന് തെളിയിക്കുവാനുള്ള വെമ്പല്‍. എതിര്‍ ചേരിക്ക് ബുദ്ധി ജീവികല്ല സാധാരണ ഭാരതീയ പൌരനോ / പൌരയോ ആണെന്ന മട്ടില്‍ പരിഹാസങ്ങള്‍ തൊടുക്കുവാനും എഴുത്തുകാരിയോടു: 'ചിഹ്നഭിന്നമായി കിടക്കുന്ന ഒരു രാജ്യം'...അമേരിക്കന്‍ ഐക്യ നാടുകളില്‍ നിന്നു തന്നെ വരണം ഒരു ഇന്ത്യക്കാരിയുടെ ഈ പ്രതികരണം ...ഉദ്ദേശം 'യുണിററി ഇന്‍ ഡിവേര്‍സിറ്റി' എന്ന തത്വമാണ് എന്ന് മനസിലാക്കി കൊണ്ടു തന്നെയുള്ള അഭിപ്രായമാണ്. പോസ്റ്റിന്റെ ഉദ്ദേശശുദ്ധിയും (മറു പ്രതികരണങ്ങള്‍ ഉത്പ്പടെ വായിച്ച ശേഷം) ഇന്ത്യയുടെ ഭാവിയില്‍ ( വെകേഷന്‍ ചിലവഴിക്കുവാന്‍ അമേരിക്കാര്‍ക്കിടക്കിടെ വരണമല്ലോ ) താങ്കള്‍ക്കുള്ള ഉത്കണ്ടയും കണ്ടപ്പോള്‍ തോന്നി കൊള്ളാം 'പ്രിയപ്പെട്ടവരേ ഇതാണ് അമേരിക്കന്‍ ഇന്ത്യക്കാരുടെ ഇന്ത്യ' എന്നൊരു വിവക്ഷ . ഇനി ഇന്ത്യ 'ചിഹ്നഭിന്നമായി കിടക്കുന്ന ഒരു രാജ്യം' എന്ന് ആക്ഷേപിച്ചു എന്നൊരു കൂട്ടരും 'പറഞ്ഞതിന്റെ യഥാര്‍ത്ഥ അര്‍ഥം ഇന്നതാണെന്നു' വിശദീകരിച്ച് മറു പക്ഷവും വീണ്ടും സംവാദത്തെ വഴിതിരിച്ചു വിടരുത് എന്നോരപേക്ഷയുണ്ട് അപ്പോള്‍ നടക്കട്ടെ സംവാദം ...ഇതിനിടയില്‍ എപ്പോഴെങ്കിലും ഈ സംവാദം വായിച്ച് ഇന്ത്യയില്‍ 'ഗരീബി' ആത്മാഹൂതി ചെയ്ത് ഇന്ത്യ രക്ഷപെട്ടാല്‍ ആ വിവരം ഒന്നറിയിക്കുവാന്‍ ദയവുണ്ടാകണം. ഗ്രാമങ്ങളിലെ പട്ടിണിയും, പട്ടണങ്ങളിലെ ജീവിത പ്രഹസനങ്ങള്‍ക്കും ഇടയില്‍ ജീവിക്കുന്ന ഭാരതീയനത് അറിയണമെന്നില്ല. അമേരിക്കയില്‍ ജീവിക്കുന്നവര്‍ക്കത് എളുപ്പം അറിയുവാന്‍ സാധിക്കും. ചെസ്സ് കളി പുറമെ നിന്നു കാണുന്നവന് കളിക്കാരേക്കാള്‍ കൂടുതല്‍ നീക്കങ്ങള്‍ അറിയുവാന്‍ സാധിക്കുന്നത് പോലെ ..."എന്നൊരു കമന്റ് ഇട്ടു.
അതിന് മറുപടി ഉടനെ കിട്ടി .
"അര്‍ജുന്‍ കൃഷ്ണാഞാന്‍ അമേരിക്കയിലാണെന്ന് പ്രൊഫൈലില്‍ ചുമ്മാതാ. ഇന്ത്യയിലാ. സമാധാനായോ? "
'കഷ്ടം' എന്നലാതെ എന്ത് പറയാന്‍. പക്ഷേ ഇങ്ങോട്ട് വരുന്ന കൊട്ട് തടുത്ത് തിരിച്ചു കൊടുത്ത് മാത്രം ശീലിച്ചതിന്റെ കുഴപ്പം കൊണ്ടാകാം, ഒരവസാന കമന്റ് കൂടിയിടുവാന്‍ ഞാന്‍ തീരുമാനിച്ചു.
"താങ്കളുടെ പ്രൊഫൈല്‍ ഞാന്‍ നോക്കിയിട്ടില്ല. സൂരജ് എന്ന വ്യക്തിക്ക് താങ്കള്‍ നല്കിയ "നാട്ടിലെപ്പോലെയല്ല, ഫെമിനിസ്റ്റോളേ അതും അമേരിക്കയിലിരിക്കുന്നോരെ സൈറ്റ് അടിച്ച് കാണിച്ചാല്‍ അവര്‍ അടിച്ച് കരണം പുകയ്ക്കുംട്ടാ. ഞാനല്ല, ഞാനിങ്ങനെ പൊതുവേ ഒരു വാര്‍ണിങ്ങ് തന്നതാ, ഇങ്ങോട്ട് വരാന്‍ വിസ പതിച്ചിരിക്കല്ലേ, അപ്പൊ ഒരു സഹ ബ്ലോഗര്‍ എന്ന നിലയില്‍.... :) :)" എന്ന കമന്റില്‍ നിന്നുമാണ് അമേരിക്കയിലാണ് എന്ന ഊഹം വന്നത്.ഇന്ത്യയില്‍ ആണ് താമസമെങ്കില്‍ വളരെ നല്ലത് . എന്റെ ആദ്യത്തെ കമന്റില്‍ പറഞ്ഞ പൊതു താത്പര്യ ഹര്‍ജിയുടെ കാര്യം ഒന്നു കൂടി എളുപ്പമാകും. ഒന്നു പരീക്ഷിക്കാവുന്നതാണ് . (എന്റെ അഭിപ്രായം മാത്രം. നിങ്ങള്‍ എന്ത് ചെയണം എന്നതിന്റെ രൂപരേഖയല്ല ). അല്ലാതെ നാട്ടില്‍ തന്നെ ആവശ്യത്തില്‍ കൂടുതല്‍ സുന്ദരികള്‍ ഉള്ളപ്പോള്‍ 'ഇഞ്ചി പെണ്ണ് ' അമേരിക്കയിലായാലും ഇന്ത്യയിലായാലും എനിക്ക് സമാധാനക്കേടും, സമാധാനവും ഒന്നും ഉണ്ടാവില്ല ആദ്യമേ ഞാന്‍ പറഞ്ഞല്ലോ...താങ്കളുടെ ഒരു പോസ്റ്റ് വായിച്ചപ്പോള്‍ എനിക്ക് തോന്നിയ അഭിപ്രായങ്ങളാണ് ഞാന്‍ പറഞ്ഞതു. അതിന് താങ്കള്‍ നല്കിയ മറുപടി മുകളിലെ കമന്റുകള്‍ ഞാന്‍ സംശയമായി പറഞ്ഞ എന്റെ തോന്നലുകള്‍ ( പോസ്റ്റിന്റെ ഉദ്ദേശ ശുദ്ധിയെ പറ്റി ) ശക്തമാക്കുകയാണ് ചെയുന്നത്. വീണ്ടും ഞാന്‍ പറയുന്നു...താങ്കള്‍ പോസ്ടിട്ട വിഷയത്തിന് പരിഹാരം നാം തമിലുള്ള അനന്തമായ വാഗ്വാധമല്ല. പിന്നെ എനിക്കൊരുപാട് സമയം വെറുതെ കളയുവാനുള്ളതിനാല്‍ മറുപടി തന്നു എന്ന് മാത്രം. സമയം ഇല്ലാത്തവര്‍ പോലും സംവാദം വഴിമാറ്റി വിവാദമാക്കി ബ്ലോഗില്‍ ഹിറ്റും കമന്റും കൂടുന്നുന്ടെല്ലോ. അതായിരുന്നു ഉദേശമെങ്കില്‍ ....നടക്കട്ടെ . (ഉദേശം എന്നോട് വിശദീകരിക്കുകയും വേണ്ട കേട്ടോ . താങ്കളുടെ ബ്ലോഗ്, താങ്കളുടെ സമയം. ഞാന്‍ യാത്രക്കിടയില്‍ വന്നു കയറിയ ഒരു വഴിപോക്കന്‍ . )"

അന്ന് തോന്നിയതാണ്...എന്റെ അഭിപ്രായങ്ങള്‍ അവിടെ ചെന്നു വിളിച്ച് പറയാന്‍ എനിക്കെന്തു കാര്യം? അവരുടെ ബ്ലോഗില്‍ ഹിറ്റും, കമന്റുകളും കൂട്ടുവാന്‍ എനിക്ക് കരാറൊന്നും ഇല്ലല്ലോ. അതുകൊണ്ട് സ്വന്തമായി കുറച്ചു സ്ഥലം വാങ്ങി അവിടെ നിന്നാകാം അഭിപ്രായങ്ങള്‍ എന്ന് കരുതിയാണ് ഞാന്‍ സവ്യസാചിയായത്.ഇഞ്ചി പെണ്ണിന്റെ ബംഗാളിലെ കലാവതിമാര്‍ എന്ന പോസ്റ്റിലെ അവസാന കമന്റിട്ടു കഴിഞ്ഞപ്പോള്‍ തോന്നിയ വാചകമാണ് ഈ പോസ്റ്റിന്റെ തലക്കെട്ട്‌ "ഇഞ്ചിയും അത് തിന്ന കുരങ്ങന്മാരും" .മൂന്ന് കമന്റുകള്‍ അവിടെയിട്ടത്തിന്റെ പ്രസക്തി വ്യക്തമായി ബോധ്യമുള്ളതിനാല്‍ ഞാന്‍ കുരങ്ങന്മാരുടെ കൂട്ടത്തില്‍ പെടില്ലാ. ഒപ്പം ആദിത്യന്‍ (അതാണെന്ന് തോന്നുന്നു ഐ ഡി ...ഓര്‍മ്മയില്ലാ. ) എന്ന ബ്ലോഗറും . ഇതു അദ്ദേഹം എന്നെ അനുകൂലിച്ചത് കൊണ്ട് തന്നെ പറയുന്നതാണ്...
അപ്പോള്‍ വീണ്ടും കാണാം.

അര്‍ജ്ജുന്‍കൃഷ്ണ

12 comments:

ArjunKrishna said...

ആഗ്രഗേറ്ററുകള്‍ക്കായി ഒരു റീപോസ്റ്റ് ...
വന്ന രണ്ടു കമടുകളും ഐ ഡി സഹിതം ഞാന്‍ തന്നെ വീണ്ടും ഇടുന്നു

ArjunKrishna said...

നട്ടപിരാന്തന്‍ said...
Nothing more to say......

Congratulation....its beyond my language.

Keep it up dear...

ArjunKrishna said...

വി.ആര്‍. ഹരിപ്രസാദ്‌. said...
interesting..

അനില്‍@ബ്ലോഗ് said...

അപ്പോള്‍ ഇതു ഇഞ്ചിപ്പെണ്ണെന്ന “പുനിത (?)” (അഹങ്കാരിക്കു കടപ്പാട്)ബ്ലൊഗ്ഗര്‍ക്കുള്ള പോസ്റ്റാണു !!!!
പൊന്നു സഹോദരന്‍ അര്‍ജുന്‍ കൃഷ്ണാ, താങ്കള്‍ക്കു വേറെ ഒരു പണിയുമില്ലെ?
മലയാളം ബ്ലൊഗ്ഗിനെപ്പറ്റി താങ്കള്‍ ഒരുപാടു തെറ്റിദ്ധാരണകള്‍ വച്ചു പുലര്‍ത്തിയതിന്റെ ഒരു പ്രശ്നമാണിതു. ഇതു ഗൂഗിള്‍ നമുക്കു തരുന്ന ഔദാര്യം നമുക്കിഷ്ടമുള്ള കാര്യങ്ങള്‍ എഴുതിപ്പിടിപ്പിക്കാണുള്ളതാണു.അതില്‍ ചിലരൊക്കെ എന്തെങ്കിലും കാര്യമായി ചെയ്യുന്നു, എന്നെപ്പൊലെ ചിലര്‍, മറ്റു ടൈം പാസുകള്‍ ഇല്ലാത്തതിനാല്‍ , വെറുതെ അക്ഷരങ്ങള്‍ നിരത്തുന്നു.ഉപരിപ്ലവമായ ചര്‍ച്ചകള്‍ക്കപ്പുറം എന്തെങ്കിലും മല മറിക്കാം എന്നു ഇനിയും ആഗ്രഹിക്കുന്നെങ്കില്‍ വളരെ നിരാശയായിരിക്കും ഫലം.
മലയാളം ചാറ്റ് റൂമില്‍ പോയിട്ടുണ്ടൊ?
എതാണ്ടു അതിനു സമാനമായ ഒരു അന്തരീക്ഷം തങ്കള്‍ക്കു ഇവിടെ കാണാം.
ആള്‍ക്കൂട്ടം കാണുന്നിടത്തു നോക്കുക, അവിടെ ഒന്നുകില്‍ അടിപിടി നടക്കുന്ന സ്ഥലം, അല്ലെങ്കില്‍ അടിച്ചു മാറ്റല്‍ വിചാരണ നടക്കുന്ന സ്ഥലം, അല്ലെങ്കില്‍ യുക്തിവാദം/ദൈവവാദം എന്ന ഇരയിട്ടിരിക്കുന്ന സ്ഥലം , അങ്ങിനെയെന്തെങ്കിലും ആവും.
ഇത്രയും താങ്കളുടെ ആത്മരോഷം കണ്ടു പറഞ്ഞതു പോയതാണു.

അജ്ഞാതന്‍ || sib said...

അനിലിന്റെ അഭിപ്രാ‍യത്തിനോടു യോജിക്കുന്നു

ഒ ടോ: please remove word verification

അനില്‍@ബ്ലോഗ് said...

please set comment notification email to marumozhikal@gmail.com ,
so that the comments will be visible in marumozhi group.

കെ.പി.സുകുമാരന്‍ അഞ്ചരക്കണ്ടി. said...

പോസ്റ്റ് വായിച്ചു .. തുടര്‍ന്നും എഴുതുമല്ലൊ .... ആശംസകളോടെ,

ബഷീര്‍ വെള്ളറക്കാട്‌ said...

ആശാനേ.. മോശമില്ല.. തുടരൂ

Aadityan said...

ഈ പറയുന്ന പോസ്റ്റ് ഇല്‍ കമന്റ് ചെയ്ത ഒരു വ്യക്തിയാണ്‌ ഞാന്‍ . പ്രതികരണം ഇതൊക്കെത്തന്നെ . അനില്‍ പറയുന്ന കരിയങ്ങള്‍ സത്യമാണ് പക്ഷെ ഏതൊക്കെ engane തന്നെ ആയിരിക്കും എന്ന് സമ്മതികുന്നിടതല്ലേ നമ്മള്‍ thothu തുടങ്ങുന്നത് ? ബ്ലോഗ് ഒരു വാചക കശ്രതിനും ഗൂഗിള്‍ ഡാറ്റ പ്രദര്‍ശനത്തിനും അപ്പുറം എനൊക്കെ ആക്കാമെന്ന് ആലോചികവുന്നതാണ് .അവയില്‍ ചിലത് (സ്വന്തം കാഴ്ചപാട് അന്നേ )
മീഡിയ യുടെ തെറ്തായ സ്വാധീനത്തെ ചെറുക്കുക
കേള്‍ക്കുമ്പോള്‍ വലിയ കാരിയം അന്നെനു തോന്നാം .പക്ഷെ ഇപ്പോളത്തെ ലേറ്റസ്റ്റ് ഇഷ്യൂ അനുയുധ കരാര്‍ നോക്കിയാല്‍ evide ചര്ച്ച നടക്കുനതു ആര് കുതിര കച്ചവടം നടത്തി ? സോമനാഥ് രാജി വൈഇക്കന്നോ വേണ്ടയോ തുടങ്ങിയവയാണ്
ഏതാണാ ഇവിടുത്തെ വിഷയം ? ചോദിക്കേണ്ട ചോദ്യങ്ങള്‍ .നമ്മുക്ക് ഏത് കൊണ്ടുള്ള പ്രയോജനങ്ങള്‍ .? മത് ഒപ്റേന്‍സ് എന്തോക്കെയന്നു മറ്റും അല്ലെ .വിദേശരാജ്യങ്ങളില്‍ ഉള്ളവര്‍ക്ക് അവിടെ എന്ത് നടക്കുന്നു എന്നുള്ള വിവരങ്ങള്‍ അപ്ഡേറ്റ് ചെയാവുന്നതാണ്

പിന്നെ വ്യക്തികള്‍ നന്നായാല്‍ നാട് തന്നെ നന്നാകും എന്ന അപ്തവക്യത്തില്‍ പിടിച്ചു പറയട്ടെ .നമുകൊരോതക്കും എന്ത് ചെയ്യാന്‍ കഴിയും എന്നതിന്നെ കുറിച്ചു ആലോചിക്കാം (വളരെ നിസാരം ആക്കാം ചെയുന്ന കരിയങ്ങള്‍ .പക്ഷെ വേര് വാചകത്തെ കാലും ഭേദം അല്ലെ )

best wishes

Anonymous said...

അർജുങ്ക്രിഷ്ണ അണ്ണാ, അണ്ണന് ഒരു ഹരജി കൊടുത്തിട്ട് ഇഞ്ചിയുടെ വിലാസം കണ്ടു പിടിച്ചു നേരിൽ പോരാരുന്നൊ സംവാദം. എന്തിനാ ബ്ലൊഗ് എഴുതിയതു്. ഇതുക്ണ്ടു എന്തെങ്കിലും പരിഹാരം ഉണ്ടഅകുമോ?.

എല്ലാ ബ്ലൊഗ്ഗർമാരും ബ്ലൊഗ്ഗിങ് നിർത്തി ആദ്യം ഹർജി ആക്റ്റിവിസം മുതലായവ നടത്തുക. എന്നിട്ട് നമ്മുറ്റെ അർജുൻ ക്രിഷ്ണ അണ്ണന്റെ ബ്ലൊഗ്ഗിലു വന്നു അതിന് അപ്പ്രൂവൽ വാങ്ങി സ്വന്തം ബ്ലൊഗ്ഗിൽ പോയി ദാണ്ടടാ ഞാൻ ഇതു ചെയ്തു എന്നു പോസ്റ്റണം.

പ്രിയ ഉണ്ണികൃഷ്ണന്‍ said...

::))))

Anonymous said...

ഗൗരവതരമായ ഏതെങ്കിലും ഒരു വിഷയം കൈകാര്യം ചെയ്ത് എന്തെങ്കിലും ഒരു പരിഹാരമെങ്കിലും കണ്ടെത്തി ഉദാഹരണമാകൂ സോദരാ എന്നിട്ട് പോരേ ഹരജി എഴുതുന്ന ഓഫീസ് നടത്തുന്നത്.

ഇവനേതെടാ ബ്ലോഗ് ജേണലിസത്തെ കുറിച്ച് ഒന്നുമറിയാത്ത ഒരു പുതിയ വങ്കൻ! വെറുതെ സമയം കളയാൻ... ഇതിനെ കുറിച്ചെഴുതിയ ആ നമത് വാഴ്വും കാലത്തിനെ ആദ്യം തല്ലണം,