മൂന്നു വര്‍ഷങ്ങള്‍ കഴിഞ്ഞിട്ടില്ല എന്ന് തോന്നുന്നു മലയാളം ബ്ലോഗ് പ്രചാരം നേടിയിട്ട്. മലയാളം ബ്ലോഗുകള്‍ ഞാന്‍ ഗൌരവത്തോടെ വായിച്ച് തുടങ്ങിയിട്ട് ആറ് മാസങ്ങളും കഴിഞ്ഞിട്ടില്ല. പക്ഷേ ഈ ചുരുങ്ങിയ കാലയളവില്‍ തന്നെ മലയാള ബ്ലോഗുകളുടെ ലോകത്ത് ഞാന്‍ കണ്ട പ്രത്യേകിച്ച് പണിയൊന്നുമില്ലാത്ത മഹിളാമണികളുടെ ( വരുമാനമുള്ള ജോലി ഇല്ലാതെ വീട്ടിലിരിക്കുന്നവര്‍ മാത്രമല്ല ഇതില്‍പ്പെടുന്നത് ) ബ്ലോഗുകള്‍ , മലയാള സാഹിത്യത്തില്‍ തന്നെ പ്രത്യേക പരാമര്‍(ശം) അര്‍ഹിക്കുന്നു.
ഈ ബ്ലോഗുകള്‍ കൊച്ചു വര്‍ത്തമാനം പറയുന്നതു പോലെ, അല്ലെങ്കില്‍ ഡയറിക്കുറിപ്പുകള്‍ പോലെ ബാല്യ കാല സ്മരണകള്‍ എഴുതുന്ന സാധാരണ പെണ്കൊടികളുടെ ചീള് ബ്ലോഗുകളില്‍ നിന്നും വേറിട്ട്‌ നില്‍ക്കുന്നു . സ്ത്രീകള്‍ തന്നെയാണ് ബോര്‍ഡ് വൈഫ്സ് ബ്ലോഗുകള്‍ എഴുതുന്നത് എന്ന് പ്രത്യേകം പറയേണ്ട കാര്യമില്ലാ.
പക്ഷെ മറ്റ് എഴുത്തുകാരികളില്‍ നിന്നു ഇവരെ വ്യത്യസ്ഥരാക്കുന്നത് പ്രധാനമായും രണ്ട് കാര്യങ്ങളാണ്.
1)മറ്റ് എഴുത്തുകാരികള്‍ക്ക് ഇവരുടെ ബൌദ്ധിക നിലവാരത്തിലേക്ക് താഴാന്‍, ക്ഷമിക്കണം, ഉയരാന്‍ തലകുത്തി നിന്നാലും സാധിക്കില്ലാ.
2) ബോര്‍ഡ് വൈഫ്സ് ബ്ലോഗുകളിലെ വായനക്കാര്‍ ഭൂരിഭാഗവും ബുദ്ധി ജീവികളായിരിക്കും. ഞരമ്പ് രോഗികള്‍ എന്നും അവരെ ചില അസൂയാലുക്കള്‍ വിളിക്കാറുണ്ട്.
ഇനി വിശ്വവിഖ്യാതയായ എഴുത്തുകാരിയിലേക്ക്...
മീനച്ചലാറിന്റെ തീരത്തോ , കോട്ടയം വഴി ഒഴുകുന്ന ഏതെങ്കിലും കൈത്തോടിന്റെ കരയിലോ ജനിച്ച്, മംഗലാപുരത്തു പാരാ മെഡിക്കല്‍ കോര്‍സും കഴിഞ്ഞ് , വിവാഹ ശേഷം അമേരിക്കയില്‍ ( ഇവരാദ്യം പോയി, കെട്ടിയവനെ പിന്നീട് കൊണ്ടു പോയത് ആകാം). അമേരിക്കയില്‍ എത്തിക്കഴിഞ്ഞാല്‍ അന്നോളം അവര്‍ക്കുണ്ടായിരുന്ന ജീവിത വീക്ഷണം ഒക്കെ മാറും . ഹാര്‍ലീ ആണ് പിന്നെ അവര്‍ക്കിഷ്ടപ്പെട്ട ബൈക്ക് . ഫെറാറി അല്ലാതെ മറ്റൊരു കാറോ...ഛായ് ലജ്ജാവഹം ( സംഭവം ഇറ്റാലിയന്‍ അണെന്ന കാര്യം ഗൂഗിളില്‍ വായിച്ചിട്ടില്ലെങ്കില്‍ ആയമ്മമാര്‍ അറിയണം എന്ന് തന്നെയില്ല) .
ലോക വീക്ഷണം മാറിക്കഴിഞ്ഞാല്‍ പിന്നെ കഴുത്തിനു കുത്തിപ്പിടിക്കുന്നത് ഇന്‍റര്‍നെറ്റിനെയാണ് . ഇ-മെയില്‍ , ചാറ്റ് , അലുംനി പ്രസ്ഥാനം തുടങ്ങിയവയൊക്കെ കുറച്ചു കഴിയുമ്പോള്‍ മടുക്കും. ഭര്‍ത്താവിനെ പണ്ടേ മടുത്ത് കഴിഞ്ഞിരിക്കും. അങ്ങിനെ ഇനിയേതു എന്ന ബൌദ്ധിക പ്രതിസന്ധി നേരിടുന്ന അവസരത്തിലാണ് അമേരിക്കയിലും , യുറോപ്പിലും ഉള്ള വനിതാമണികള്‍ എഴുതുന്ന പാചകക്കുറിപ്പുകള്‍ അടങ്ങിയ ബ്ലോഗുകള്‍ കണ്ണില്‍പ്പെടുന്നത് . " ഹിതു കൊള്ളാം . ഞാനും തുടങ്ങാം ഒരെണ്ണം " എന്ന് കരുതി ആദ്യം ഒരെണ്ണം ഇംഗ്ലീഷില്‍ കാച്ചും . 'ടാമറിന്‍ഡ് മാങ്കോ' എന്നോ മറ്റോ ഒരു പേരിട്ടു പിന്നെ അപ്പം മുട്ടക്കറി , വറുത്തരച്ച ചമ്മന്തി അങ്ങിനെ പാചകക്കുറിപ്പുകളുടെ ഒരു ബഹളമാണ്. പക്ഷെ മദാമ്മേടെ ബ്ലോഗില്‍ കണ്ടത്ര കമന്റുകള് ദക്ഷിണയായി വരാത്തപ്പോള്‍ ഒരു ഏനക്കേട് . പാചകം പതുക്കെ വിട്ട് സാമൂഹിക, സാംസ്കാരിക അവലോകനം തുടങ്ങും. ഒപ്പം മലയാളത്തിലും ഒരു ബ്ലോഗ് 'കല്ല്‌ കൊണ്ടൊരു പെണ്ണ് ' ,'തകര്‍പ്പന്‍ പെണ്ണ് ( സൂപ്പര്‍ ഗേള്‍ - അതിലെ സുപ്പറിന്റെ മലയാള വിവര്‍ത്തനം വല്യ പാടാ) ' അങ്ങിനെ എന്ത് പേരിലും ആകാം മലയാളം ബ്ലോഗ് .
പക്ഷെ അപ്പോഴും ഇംഗ്ലീഷ് ബ്ലോഗില്‍ ഹിറ്റുകള്‍ കണക്കു തന്നെ.
'റൈറ്റ് ഫ്രം ദ ബാങ്ക്സ് ഓഫ് റിവര്‍ മീനച്ചല്‍ ഇറ്റ്സെല്‍ഫ്, ഐ ആള്‍ വെയ്സ് വണ്‍ഡേര്‍ഡ് വൈ മലയാളീ മെന്‍ ലുക്ക് സൊ ഫ്ലാബെര്‍ഗാസ്റ്റെഡ് എവരി ടൈം ദേ ഹിയര്‍ ദ വേര്‍ഡ്‌ സോഫ്റ്റ് . ദെന്‍ ഐ റിയലൈസ്ഡ് ദാറ്റ് ദേ അസോഷിയേറ്റ് ഇറ്റ് വിത്ത് സോഫ്റ്റ് പോര്‍ണ് മൂവീസ്. ഹി ഹി ഹി ' .ഈ സാഹിത്യത്തിനു ഹിറ്റ് കിട്ടും . ബ്ലോഗിലല്ലാ, നേരിട്ട്.
ബട്ട്, മലയാളം ബോഗില്‍ കുഴപ്പമില്ലാത്ത എണ്ണത്തില്‍ കമറ്റുകള്‍. (അവിടെ എഴുതിയ സംഗതി സാമൂഹിക അവലോകനം അല്ല...കുറച്ച് ചവറ് കഥകള്‍) "അത് കൊള്ളാം . പെണ്ണ് എന്നൊരു വാക്ക് കണ്ടാല്‍ കുറ്റിയുമ്പറിച്ച് പോരുന്ന ഇവന്‍മാര്‍ തന്നെ നമ്മുടെ വായനക്കാര്‍ " എന്ന് തീരുമാനിക്കപ്പെടുന്നു.
ബഹു ഭൂരിപക്ഷം കമന്റ് എഴുത്തുകാരും താഴെ പറയുന്ന ഏതെങ്കിലും ഒരു വിഭാഗത്തിലെ അംഗങ്ങളാണ് .ഈ കമന്റുകള് മലയാളം ബ്ലോഗില്‍ ചെയ്ത വായനക്കാരെക്കുറിച്ച് അല്‍പ്പം
പറയേണ്ടതുണ്ട്
1 ) സ്വന്തം ബ്ലോഗില്‍ ആളില്ലാതെ, കമന്റ് വ്യാപാരത്തിലൂടെ ആളെ കൂട്ടാന്‍ ശ്രമിക്കുന്നവര്‍.
2 ) ബ്ലോഗിന്റെ പേരിലോ , ബ്ലോഗറുടെ പ്രൊഫൈലിലോ എഴുതുന്നത് ഒരു പെണ്ണാണെന്ന് പറഞ്ഞിട്ടുണ്ടെങ്കില്‍ മാത്രം കമന്റ് എഴുതുന്നവര്‍. (ഇവരാണ് എണ്ണത്തില്‍ കൂടുതല്‍) .കഴിയുമെങ്കില്‍ എഴുത്തുകാരിയുടെ മറുപടി കമന്റ് ആയി വരുന്ന തരത്തിലെ കമന്റുകള് ഇടുന്നവര്‍. പിന്നെ മറുപടിക്ക് മറുപടി, അതിന് മറുപടി ആകെ ബഹളം. കുറച്ചു കാലം മുന്‍പ് പാലക്കാട് ജില്ലയില്‍ പോലീസ് ഒരു യുവാവിനെ അറസ്റ്റ് ചെയ്തിരുന്നു. കുറ്റം ഒരു വീട്ടമ്മയെ നിരന്തരം ഫോണില്‍ വിളിച്ച് ശല്യം ചെയ്യുന്നു . യുവാവ് സ്ഥിരമായി മൊബൈലില്‍ വെറുതെ ഏതെങ്കിലും നബര്‍ വിളിച്ച്, മറു വശത്ത് കേള്‍ക്കുന്നത് സ്ത്രീ സ്വരമെങ്കില്‍ ,സല്ലപിക്കാന്‍ ശ്രമിക്കുക പതിവായിരുന്നത്രേ. ചിലര്‍ തിരിച്ചു സല്ലപിക്കും. ചിലര്‍ തെറി വിളിച്ചിട്ട് ഫോണ്‍ വെയ്ക്കും. ഇങ്ങനെ ചീത്ത വിളിക്കുന്നവരില്‍ ചിലരെ വീണ്ടും, വീണ്ടും വിളിക്കുമ്പോള്‍ അവര്‍ സല്ലാപത്തിലേക്ക് വഴി മാറിയിട്ടുള്ളതിനാലാണ്, മേല്‍ പറഞ്ഞ വീട്ടമ്മയെ അയാള്‍ വീണ്ടും വീണ്ടും വിളിച്ചിരുന്നതത്രേ . നമ്മുടെ ഈ വിഭാഗം കമന്റ് എഴുത്തുകാര്‍ക്കും ഏതാണ്ട് ആ യുവാവിന്റെ മാനസികാവസ്ഥയാണ് .സല്ലാപത്തിന് ഒരിടം മാത്രമാണവര്ക്ക് ബ്ലോഗ്. അനുകൂല പ്രതികരണം എഴുത്തുകാരിയില്‍ നിന്നു ലഭിക്കുമ്പോള്‍ അവര്‍ സന്തുഷ്ടര്‍.അല്ല മറുപടി അവരിട്ട കമന്റിനു എതിരാണെങ്കില്‍ അതിലും ഹാപ്പി. കാരണം വീണ്ടും വാഗ്വാദം തുടരാമല്ലോ. പെണ്ണുങ്ങളോട് തര്‍ക്കിക്കുന്നതും ഒരു രസമാണേ... ഫോണിലൂടെയോ, സ്വകാര്യ ചാറ്റിലൂടെയോ ചെയുന്ന ഇക്കിളി സംഭാഷണത്തിന് പകരം അന്തരാഷ്ട്ര കാര്യങ്ങള്‍ ചര്‍ച്ച ചെയുന്ന രീതിയിലായിരിക്കും ബ്ലോഗിലെ സല്ലാപം. ഇടക്കിടെ അല്‍പ്പം തരികിട കമന്റും ' ;-) ' കണ്ണിറുക്കിയുള്ള ചിരിയുടെ സ്മൈലിയും .അന്താരാഷ്ട്ര കാര്യങ്ങള്‍ എന്ന് പറയുമ്പോള്‍ അമേരിക്കന്‍ പ്രസിഡന്‍റ്റ് അങ്ങേരുടെ പേര്‍സണല്‍ സ്റ്റാഫില്‍ ആരെ നിയമിക്കണം, ആരെ നിയമിക്കരുത് എന്ന് വരെ എഴുത്തുകാരിയും, കമന്റ് ദാതാക്കളായ ഞരമ്പുകളും കൂടിക്കയറി തീരുമാനിച്ച് കളയും.
ഇനി എഴുത്തുകാരിയിലേക്ക് തിരികെ വരാം . ..
സല്ലാപ രീതിയിലുള്ള കമന്റുകള് കുറച്ചു കഴിയുമ്പോള്‍ പക്ഷെ എണ്ണം കുറയും.മാത്രമല്ലാ മൊത്തം എണ്ണത്തില്‍ ,കമന്റുകള് വിചാരിച്ചയത്ര പോരായെന്നവര്‍ക്ക് ഒരു ദിവസം തോന്നും .ഹിറ്റും കുറഞ്ഞ് വരും (അപ്പോഴും ഇംഗ്ലീഷ് ബ്ലോഗ് തുടങ്ങിയടുത്തു തന്നെ. ഫെമിനിസം മുതല്‍ അടുത്ത അമേരിക്കന്‍ ജനാധിപതി ആര് എന്ന വിഷയങ്ങള്‍ വരെ എഴുതിപിടിപ്പിച്ചിട്ടും വിവരംക്കെട്ട സായിപ്പ് തിരിഞ്ഞു കയറുന്നില്ലാ. അവനോടു പോകാന്‍ പറ. 'മണ്ടന്‍ മലയാളി ഉള്ളപ്പോള്‍ 'വൈ ഗോ ഫോര്‍ ദ പെയില്‍ സ്കിന്‍ഡ്' ' ) .
എഴുത്തുകാരി മലയാളം ബ്ലോഗില്‍ മാത്രം ശ്രദ്ധ കേന്ദ്രീകരിക്കുന്നു. പക്ഷെ പോരെ...വായനക്കാര്‍ കുറയുന്നതല്ലാതെ കൂടുന്നില്ലാ. സ്തംഭനാവസ്ഥയിലേക്ക് ബ്ലോഗ് നീങ്ങുന്ന വേളയിലാണ് 'സഹ ബ്ലോഗര്‍ ' പദവിയിലുള്ള ഒരുത്തന്‍റെ ബ്ലോഗില്‍ ഉണ്ടായിരുന്ന 'വടാ പാവിന്‍റെ' പാചക കുറിപ്പ് 'കരാള കശ്മല്‍സ് ഡോട്ട് കോം' എന്ന സൈറ്റില്‍ കാണുന്നത്. കരാളന്മാര്ക്ക് മലയാളം സൈറ്റ് കൂടാതെ, വേദ പാഠ പുസ്തകത്തിനെക്കുറിച്ചുള്ള സൈറ്റും , നീലച്ചിത്രങ്ങള്‍ കാശു കൊടുത്ത് ഡൌണ്‍ലോഡ് ചെയ്യാനുള്ള സൌകര്യം ഒരുക്കുന്ന സൈറ്റും എല്ലാമുണ്ടെന്ന് നമ്മുടെ എഴുത്തുകാരിക്ക് അന്വേഷണത്തില്‍ ബോധ്യപ്പെടുന്നു. (അന്വേഷണം സി ഐ ഏ വഴിയൊന്നുമല്ല. മിക്കവാറും അവന്മാരുടെ സൈറ്റില്‍ തന്നെ ഇതിലോട്ടെല്ലാം ലിങ്ക് കാണും ) .
അവന്മാരുടെ ഫീഡ്ബാക്ക് മെയില്‍ വിലാസം തപ്പിയെടുത്ത് ചേട്ടത്തി ഒരു മെയില്‍ അയക്കുന്നതോടെ കളി തുടങ്ങുകയായി.
'ഹൈ,
ഐ ആം തകര്‍പ്പന്‍ പെണ്ണ് ഫ്രം ദ വേള്‍ഡ് ഓഫ് ബ്ലോഗ്സ്. വെരി റിസെന്‍റലീ ഇറ്റ് ഹാസ്‌ കേം റ്റൂ മൈ അറ്റെന്‍ഷന്‍ ദാറ്റ് യു ഹാവ് സ്കൂപ്പ്ഡ് ദ റെസിപ്പി ഫോര്‍ വടാ പാവ് ഫ്രം ദ ബ്ലോഗ് ഓഫ് മാനത്തുകണ്ണി . പ്ലീസ് റിമൂവ് ദാറ്റ് ഓര്‍ ഗിവ് ദ ഓഥര്‍ അപ്പ്രോപ്രിയേറ്റ് ക്രെഡിറ്റ്സ് '
തകര്‍പ്പന്‍ പെണ്ണ് .
കരാളന്മാര്ക്ക് വേണ്ടി മെയില്‍ വായിക്കുന്നത് മിക്കവാറും "സര്‍ ഐ കം, യു ഗോ, വി ആള്‍ കം ആന്‍ഡ് ഗോ" നിലവാരത്തിലുള്ള ഏതെങ്കിലും കന്നഡിഗനോ, ആന്ദ്രാക്കാരനോ ആകാം. ഒരു പക്ഷെ മലയാളി തന്നെയും. മേല്‍ പറഞ്ഞ മെയില്‍ വായിച്ചു കണ്ണ് ബള്‍ബായ അവന്‍ , കരാളന്മാരുടെ പൊതുവേയുള്ള നിലവാരത്തിനും, അവന്റെ സ്വന്തം നിലവാരത്തിനും അനുസരിച്ച ഒരു മെയില്‍ അയക്കുന്നു. "പേടിപ്പിക്കാതെ പോടീ പെണ്ണെ " ഇതാകും അതിലെ സാരാംശം. കരാളന്മാരുടെ വീര കൃത്യങ്ങളെക്കുറിച്ച് ഒരു ലഘു വിവരണവും അതിലുണ്ടാകും.
അതോടെ നമ്മുടെ ചേട്ടത്തി ഹാപ്പി .ഖുഷിയായി തകര്‍പ്പന്‍ പെണ്ണ് ഉടനടി മറുപടിക്ക് മറുപടി എഴുതുന്നു.
'അവന്‍മാര്‍ ചെയ്യുന്നത് എത്ര വലിയ കുറ്റ ക്രത്യമാണെന്നും, അമേരിക്കന്‍ പോലീസെങ്ങാനും ഇതറിഞ്ഞാല്‍ പിന്നെ അവന്മാര്‍ക്കു ഗതി വൈദ്യുതിക്കസേരയിലുള്ള മരണമാണെന്നും' ചേച്ചി മെയിലിലൂടെ കരാളന്മാരെ അറിയിക്കുന്നു . പൂരപ്പാട്ട്, വീട് കയറി തല്ലും എന്ന മുന്നറിയിപ്പ് എന്നിവയുമായി കരാളന്മാരുടെ മറുപടി ഉടനടി എത്തും .
' ഉദ്ദിഷ്ട കാര്യം വിചാരിച്ചതിലും ഭംഗിയായി നടക്കുന്നതിനു' ചേച്ചി പരുമലപ്പള്ളിയില്‍ നേര്‍ച്ച കൊടുത്തയക്കും . പിന്നെ, "വരുന്നെടാ കഴുതകളേ ഞാന്‍ " എന്ന് ആത്മഗതത്തോടെ നേരെ മലയാളം ബ്ലോഗ് പ്രപഞ്ചത്തിലേക്ക്.
കരാളന്മാരുടെ ക്രൂര ക്രത്യം മൊത്തം എടുത്ത്‌ ബ്ലോഗില്‍ ഒരു അലക്കാണ്. ബലത്തിന് അന്നോളമുള്ള സകല എഴുത്ത് കുത്തുകളും.
പിന്നെ കാഹളം മുഴക്കി പടയാണ്. കരാള കശ്മലന്മാര്‍‍ക്കെതിരെ മലയാളം ബ്ലോഗിലാകെ ബന്ദും, ഹര്‍ത്താലും. തകര്‍പ്പന്‍ പെണ്ണിന്റെ ബ്ലോഗില്‍ പിന്തുണ കമന്റുകളുടെ പ്രവാഹം ( കരാളന്മാരുടെ സൈറ്റില്‍ ഹിറ്റുകള്‍ കൂടുന്നു എന്നതിവിടെ വിഷയമല്ല എന്ന് പൊതുവെ മലയാളി ബ്ലോഗ് മതം ) . ഹിറ്റുകള്‍ കൂടുന്നതനുസരിച്ച്, അനുനയം, ഭീഷിണി , അനുനയം, ഭീഷണി ഇങ്ങനെ കാര്‍ഡുകള്‍ കരാളന്മാര്‍ വീണ് കിട്ടിയ അവസരം പരമാവധി മുതലാക്കുന്നു. തകര്‍പ്പന്‍ പെണ്ണ് ബ്ലോഗില്‍ ഫെഡറെല്‍ ബ്യുറോയ്ക്കും ഒപ്പം കേരള പോലീസിലെ ഹെഡ് കോണ്‍സ്റ്റൈബിള്‍ കുട്ടന്‍ പിള്ളക്കും കരാളന്മാരെക്കുറിച്ച് പരാതി നല്‍കിയിട്ടുണ്ട്, ഉടനെ അവന്മാരുടെ ചീട്ട്‌ കീറും എന്ന് പ്രഖ്യാപിക്കുന്നു. ആവശ്യത്തിലധികം ഹിറ്റും പരസ്യക്കാശും കിട്ടിക്കഴിയുമ്പോള്‍ കരാളന്മാര്‍ "എല്ലാ മലയാളിത്താനും ഇന്ത മാതരി കോന്തിയാ?" എന്ന ആത്മഗതത്തോടെ അവരുടെ മലയാളം വിഭാഗം പൂട്ടുന്നു. മലയാളി ബ്ലോഗുകള്‍ ഇതു അവരുടെ വന്‍ വിജയമായി കൊണ്ടാടുന്നു. പിന്നെ കൊടുത്ത കേസ്സിനെക്കുറിച്ചും , ഫെഡറെല്‍ ബ്യുറോ വക അന്വേഷണത്തിന്റെ പുരോഗതിയെക്കുറിച്ചും ഒരക്ഷരം ഒരുത്തനും മിണ്ടാന്‍ പാടില്ല. മിണ്ടിയാല്‍ തകര്‍പ്പന്‍ പെണ്ണ് വൈലെന്റ്റ് ആകും. "നക്ഷത്ര യുദ്ധത്തിന്റെ ശാസ്ത്രീയ വശങ്ങളെക്കുറിച്ച് വിശകലനം ചെയ്യാന്‍ കിടക്കുമ്പോഴാണ് അവന്റെ ഒരു അന്വേഷണം . ഒന്നു പോടേ" എന്ന കമന്റുമായി അപ്പോഴേക്കും ഭവതിയുടെ ആരാധകരായി മാറിയ കമന്റ് കച്ചവടക്കാരും എത്തും .
കമന്റ് ഇട്ടവരും, വായിച്ചവരും, ബ്ലോഗില്‍ ഹിറ്റ് കിട്ടിയവരും , കരാളന്മാരും എല്ലാം ഹാപ്പി . പക്ഷേ ദയനീയ സ്ഥിതിയില്‍ ആകുന്നത് മോഷണത്തിനെതിരെ ആത്മാര്‍തഥമായി പ്രതികരിച്ച മര്യാദക്ക് ബ്ലോഗ് എഴുതുന്ന ചിലരാണ്. ഇപ്പറഞ്ഞ മര്യാദക്കാരുടെ പേരു കണ്ടു മാത്രം വിവാദ ബ്ലോഗുകളില്‍ എത്തിയ വായനക്കാരും ഉണ്ടാകും കൂട്ടിന് . മൌനം വിദ്വാനു ഭൂഷണം എന്ന മട്ടില്‍ അവര്‍ വീണ്ടും അവരവരുടെ ജോലി നോക്കി പോകും 'തകര്‍പ്പന്‍ പെണ്ണ് 'വെടിവട്ടം' എന്ന ലേബലില്‍ 'നക്ഷത്ര യുദ്ധത്തിനെ ഇന്ത്യ അനുകൂലിക്കണം' എന്ന അടുത്ത പോസ്റ്റും ഇടും.
ഇതിലെ ഗുണപാഠം എന്തെന്നാല്‍- ഭര്‍ത്താവിനെയും, പൊതുവായി ജീവിതത്തിനെയും മടുത്തു തുടങ്ങിയ വനിതകളെ ...നിരാശരാകാതെ നിങ്ങള്‍ ഒരു ബ്ലോഗ് തുടങ്ങുകാ. മലയാളം ബ്ലോഗ് പ്രപഞ്ചത്തിലെ ഞരമ്പ് രോഗികള്‍ നിങ്ങളുടെ കൂടെയുണ്ട് . അവന്‍മാരെ എങ്ങിനെ നിങ്ങളുടെ ബ്ലോഗിന്റെ സ്ഥിരം കുറ്റികളാക്കാം എന്നതിനെക്കുറിച്ച് ആധികാരികമായി പ്രസ്താവിക്കുന്ന 'കരിവാരാചരണം എങ്ങിനെ വിജയിപ്പിക്കാം' എന്ന് മുഖ്യശീര്‍ഷകത്തിലും ' മലയാളി ബ്ലോഗുകളിലെ മണ്ടന്മാര്‍ ' എന്ന ഉപശീര്‍ഷകത്തിലും ഒരു പുസ്തകം ഉടനെ ഞാന്‍ പുറത്തിറക്കുന്നുണ്ട് . അത് വാങ്ങി വായിക്കുക.
19 comments:
ആ തകര്‍പ്പന്‍ പെണ്ണു കൊള്ളാമല്ലോ, അര്‍ജ്ജുന്‍ കൃഷ്ണാ. ഒരു ബ്ലോഗിലെ മലയാളം വിഭാഗം മുഴുവനായി പൂട്ടിച്ച്). അപ്പോള്‍ സൂക്ഷിക്കണം, ഏഴാം കടലിനക്കരയാണെങ്കിലും.
നൂറു ശതമാനം ശരി.............
അവരോട് നമ്മുടെ കേസ് (കേരല്സ്) എന്തായി എന്ന് ചോദിച്ചത് ഞാന്‍ മാത്രമാണ്.
അതിന് അവരുടെ പരിഹാസത്തില്‍ പൊതിഞ്ഞ മറുപടിയും ഉടനെ വന്നു ..........
"നമ്മുടെ കേസോ ? " ......എന്ന മട്ടില്‍ .............
അരിയെത്ര എന്നതിന് പയറഞ്ഞാഴി എന്നരീതിയില്‍ ..............
ഈ ചോദ്യത്തിനെയും മറുപടിയെയും പറ്റി ആരോ ഒരു പോസ്റ്റും ഇട്ടിരുന്നു ........
അതിനിടെ മരമാക്രി എല്ലാം കുളമാക്കി ............
അനോണിമസ് , മരമാക്രിക്കിക്ക് എന്ത് പറ്റി? എനിക്ക് ഇഷ്ടമുള്ള ഒരു ബ്ലോഗ് ആയിരുന്നു അത്. ഇപ്പോള്‍ അത് ഡിലീറ്റ് ചെയ്യപ്പെട്ടിരിക്കുന്നു? ഈ സംഭവവുമായി അതിനെന്തെങ്കിലും ബന്ധം? വിരോധമില്ലെങ്കില്‍ അനോനിമസോ, അറിയാവുന്ന മറ്റാരെങ്കിലുമോ പറഞ്ഞു തരിക...
അര്‍ജ്ജുന്‍
സത്യം പറഞ്ഞാല്‍ ഈ ഇനത്തില്‍ പെട്ട ഒരു പോസ്റ്റ് വായിച്ചു മെന്റല്‍ ആയി ഇരിക്കുമ്പോള്‍ അന്ന് ഇത് കണ്ടത്.(വിഷയം അമേരിക്കന്‍ പ്രസിഡന്റ് സ്റ്റാഫ് appointment ). സത്യം അനിയാ . ഇവര്‍ക്കൊക്കെ നാട്ടില്‍ മനുഷ്യന്‍ ജീവിച്ചു പോകാന്‍ പെടുന്ന പാടു അറിയാത്ത പ്രശ്നം അന്ന് .അമേരിക്ക യില്ലേ കട പൂടുമ്പോള്‍ അറിഞ്ഞോളും . അത് വരെ ഏതൊക്കെ സഹിക്ക തന്നെ .Any way nice post keep it up
ഇന്ജിയെ തൊട്ടാല്‍ തൊട്ടവനെ തട്ടും ...............
സവ്യസചിക്കും അത് തന്നെ ഗതി ...........(മാക്രിയുടെ .......)
അനോണിമസ്...
ഇതോടെ നിറുത്താം എന്ന് കരുതിയിരുന്നതാണ്. ഏതായാലും അടുത്ത പോസ്റ്റിനുള്ള ഊര്‍ജം തന്നതിന് നന്ദി . തട്ടാന്‍ വരുന്നതു ആരാണെന്ന് അറിയാമല്ലോ.
മരമാക്ക്രിക്ക് എന്തു സംഭവിച്ചു എന്നത് എനിക്ക് ഇപ്പോഴും വ്യക്തമായിട്ടില്ലാ...അതൊന്നു പറഞ്ഞു തന്നാല്‍ വേണ്ടിയില്ലാ...
ആഹഹ ..ഇഞ്ചിയെ തൊട്ടാ കളി .
കേരള്സിനെ വരെ വെള്ളം കുടിപ്പിച്ചെന്ന ഞാന്‍ കേട്ട വാര്‍ത്ത.
കര്‍ത്താവേ ഇനി എന്തെല്ലാമാണോ ഇവിടെ നടക്കാന്‍ പോകുന്നത് .ഞാന്‍ ഇവിടെ വന്നിട്ടും ഇല്ല ,എങ്ങോട്ടും പോയിട്ടും ഇല്ല :):)
കാപ്പിലാനെ,
ഇഞ്ചിയുടെ പുറകേ കൂടിയിട്ട് കുറേ കാലമായി, പക്ഷെ പെണ്ണൂ മൈന്ഡ് ചെയ്യുന്നില്ല.
എന്നാലും എഴുത്തു കലക്കി.
ഇഞ്ചിയും കുരങ്ങന്മാരും എന്ന പൊസ്റ്റിനേക്കാള്‍ ഏറെ നന്നായിരിക്കുന്നു.
അനിലേ ...
ഒരു പെണ്ണിനെ ബ്ലോഗിലൂടെ എന്തെങ്കിലും എഴുതി മൈന്ഡ് ചെയ്യിപ്പിക്കുക . ഇത്ര പൈങ്കിളി മാനസമാണ് താങ്കള്ക്ക് എന്ന് അറിഞ്ഞില്ല. എന്തായാലും താങ്കളുടെ വിശ്വാസം രക്ഷിക്കട്ടെ.
ഇനി ഞാന്‍ പോസ്റ്റില്‍ വിവരിച്ച കമന്റ് ദാതാക്കളുടെ കൂട്ടത്തിലാണോ താങ്കളും? സംശയമാണേ? ???
ഇന്ച്ചിയുടെ സ്തുതിപാടകര്‍ എത്തി തുടങ്ങിയല്ലോ...
ആ അമ്മച്ചിയെക്കുറിച്ചു ആരെന്തെഴുതിയാലും അവരുടെ പിന്നാലെ നടക്കുന്നു, പീഡിപ്പിക്കുന്നു എന്ന് വിളിച്ചു കൂവാന്‍ ഇങ്ങനെ കുറെ മച്ചാന്‍മാര് ഇറങ്ങും. ഓള്‍ അറിയാന്‍ വേണ്ടി ചോദിക്കുകയാ ഈ കൊച്ച്ചമായ ഇനി ഐശ്വര്യാ രി പേരു മാറ്റി എഴുതുന്നതോ മറ്റോ ആണോ? ഇത്രയധികമാളുകള്‍ "പിന്നാലെ കൂടാനും, പീഡിപ്പിക്കാനും"... അത് കണ്ടു നിലവിളിക്കാനും
ഇതിലെഴുതിയ സംഭവങ്ങള്‍ ഒക്കെ മലയാളം ബ്ലോഗില്‍ എന്നെക്കയോ നടന്നതാണ്. കരി വാരവും, കൊടി പിടിക്കലും, ആരവവും ഒക്കെ ഉത്സവപറമ്പിന് പുറത്തു നിന്നും കണ്ട ഒരു വ്യക്തിയാണ് ഞാന്‍ . ഒരു മാമാങ്കം കൊട്ടിഘോഷിച്ച് ഒടുവില്‍ ചെറു പരിച മുട്ട് കളി പോലുമില്ലാതെ പരിണമിച്ച ഈ ബഹളം എന്തിനായിരുന്നു എന്ന ചോദ്യം ന്യായമല്ലേ?
കേസും വഴക്കും എവിടെ വരെ ആയി എന്നത് ഓരോരുത്തരുടെ വ്യക്തിപരമായ കാര്യമാണ് സമ്മതിക്കുന്നു. പക്ഷെ വ്യക്തിപരമായ കാര്യങ്ങള്‍ക്കു പരസ്യമായ വിഴിപ്പലക്കലുകള്‍ എന്തിനായിരുന്നു? കേസ് കൊടുത്തു, പരാതി നല്‍കി എന്നൊന്നും ഞാന്‍ ഉണ്ടാകി പറഞ്ഞ കാര്യങ്ങളോ, അമേരിക്കയില്‍ നിന്നും അന്നത്തെ ജനാധിപതി ശ്രീ ബുഷ് എന്നെ വിളിച്ച് പറഞ്ഞതോ അല്ല . അതെല്ലാം ഞാന്‍ ബ്ലോഗുകളില്‍ നിന്നും വായിച്ചു അറിഞ്ഞ വിവരങ്ങളാണ് .
ഈ ചോദ്യങ്ങള്‍ക്ക് കരി വാരം ആഘോഷിച്ച ഏതെങ്കിലും മിടുക്കന്മാരുടെ കൈയ്യില്‍ , എന്നെ ബോധ്യപ്പെടുത്തേണ്ട, സ്വയം ബോധിപ്പിക്കുവാനെങ്കിലും ഉത്തരം ഉണ്ടോ?
ഉണ്ടെങ്കില്‍ അത് എനിക്കും കൂടി പറഞ്ഞു തരുവാന്‍ ദയവുണ്ടാകണം....
ഇല്ലെങ്കില്‍ നമുക്ക് തുടരാം...
പെണ്ണ്
സവ്യസാചിയുടെ പോസ്റ്റ്കള്‍ കുറ്റം പറയാനില്ല പലരും തലവെച്ചു കൊടുക്കാന്‍ മടിക്കുന്ന ഇടത്താണല്ലോ വന്നു നിന്നത് എന്ന് ഓര്‍ത്തു ,
ജിഞ്ചര്‍ പുറം തിരിഞ്ഞ് നിന്ന് ജാലകത്തിലൂടെ എല്ലാം കാണുന്നു...
വരും വരാതിരിക്കില്ല വന്നാല്‍.....
അമേരിക്കന്‍ ബ്ലോഗിനികള്‍ എന്ന ശീര്‍ഷത്തില്‍ എല്ലാവരേയും ഒരേ തൊഴുത്തില്‍ കെട്ടണോ ?
കമന്റിന് വേണ്ടിയല്ലാതെ എഴുതുന്ന എത്രയോ പേരുണ്ട്? വായന ഗൌരവമായി എടുക്കുന്നവര്‍.
പെണ്ണ് എന്ന് ഐഡന്റിറ്റി വക്കാത്തവര്‍ ...
പിന്നെ അലങ്കാരവും വളച്ചോടിക്കലും ഇല്ലാതെ വ്യാജനാമത്തില്‍ അല്ലാതെ പറയാന്‍
[താങ്കള്‍ ഉള്‍പ്പെട്ടെ]എത്ര പേരുണ്ടിവിടെ?
......“അവന്റെ ഒരു അന്വേഷണം . ഒന്നു പോടേ" എന്ന കമന്റുമായി അപ്പോഴേക്കും ഭവതിയുടെ ആരാധകരായി മാറിയ കമന്റ് കച്ചവടക്കാരും എത്തും . .... ഈ പറഞ്ഞത് 100% ശരി.
കോവറുകഴുതയെ ചേലചുറ്റിച്ചാല്‍ അതിന്റെ പുറകെ എന്ന് പറഞ്ഞ പോലെ പെണ്ണ് എന്ന് എഴുതി വച്ചാല്‍ അതിനു പിറകേ പോകാന്‍ മാത്രമുള്ള പൌരുഷമേബൂലോകത്തെ പുരുഷന്മാര്‍ക്കുള്ളോ?
പുറം തിരിഞ്ഞു നിക്കുന്ന ആളുടെ മുഖമാണല്ലോ മരമാക്രി കാണിച്ചത് !!
(കൂടാതെ രണ്ടു കാലുകള്‍ ബോണസ്സായും)
മരമാക്രിയുടെ ബ്ലോഗില്‍ സംഭവിച്ചതെന്ത്? ദയവു ചെയ്തു ആരെങ്കിലും സംഭവം ഒന്നു വ്യക്തമാക്കാമോ?
അര്‍ജ്ജുന്‍ ,
കരിവാര നാടകത്തിന്‍റെ കാര്യങ്ങള്‍ പറഞ്ഞത് അക്ഷരംപ്രതി ശരി. ആദ്യമൊക്കെ അതിനെക്കുറിച്ച് ഓരോന്ന് വായിച്ചപ്പോള്‍ എന്‍റെ ചോരയും തിളച്ചിരുന്നു. ഇപ്പോള്‍ തോന്നുന്നു ഒരക്ഷരം അഭിപ്രായം പറയാതെ മണ്ടന്മാരുടെ ലിസ്റ്റില്‍ നിന്നും ഒഴിവായത് നന്നായി എന്ന്.
ബ്ലോഗിലെ പയറ്റിത്തെളിഞ്ഞ എഴുത്തുകാര്‍ വരെ എന്‍റെ ഊഹം ശരിയാണെങ്കില്‍ ഈ കളിയില്‍ പെട്ട് പോയിട്ടുണ്ട്. അവരൊക്കെ ഇപ്പോള്‍ ഇതിനെക്കുറിച്ച് നിശബ്ധരാണ് . ശക്തമായ നിരീക്ഷണങ്ങള്‍....കുറിക്ക് കൊള്ളുന്ന നര്‍മ്മം.
തുടരുക
http://kaappilaan.blogspot.com/2008/05/blog-post_27.html
കേരള്സിനെ പറ്റിയുള്ള വിശദമായ കഥ -കോഴി മോഷണം .
അനോണി : കാപ്പിലാന്റെ പോസ്റ്റ് ലിങ്കിനു നന്ദി. എന്നാലും ലിങ്ക് ഇടുമ്പോള്‍ ഒരു പ്രൊഫൈല്‍ വെച്ച് ചെയ്യാമായിരുന്നു.
അര്‍ജുന്‍ കൃഷ്ണോ,
പുതു ഐഡി ആണെന്നത് സമ്മതിക്കുന്നു. പക്ഷെ ഇതാരാണ് എന്നതാണ് ചോദ്യം. തീര്‍ച്ചയായും താങ്കള്‍ പറഞ്ഞ അനോണികളുടെ ഗണത്തില്‍ പെടുന്ന ഒരു സനോണി തന്നെയാണ് താങ്കളും.
പിന്നെ ഞാന്‍ കമറ്റിടുന്ന കാര്യം, കമറ്റ് ബോക്സ് തുറന്നു വച്ചിരിക്കുന്നിടത്ത്, എനിക്കു കമന്റാന്‍ പറ്റാവുന്ന വിഷ്യയം ആണെങ്കില്‍ കമന്റ് ഇടും. ഞാന്‍ എന്നൊരാള്‍ എക്സിസ്റ്റു ചെയ്യുന്നു എന്ന് ആളുകള്‍ അറിയണ്ടെ മകനെ?
പിന്നെ ഇത്രയും കാലം ഇതുവഴി വന്നത്, ഉദ്ദേശം ശുദ്ധമാണെന്നു തോന്നിയതിനാലാണ്, ഇനി ഇല്ല. ക്ഷമീര്.
അനോണി സനോണി വാദം മനസ്സിലായില്ലാ....ഞാന്‍ അതിനെക്കുറിച്ചൊന്നും പറഞ്ഞില്ലല്ലോ?
പോസ്റ്റില്‍ അനോണി, സനോണി ഐ ഡി കളെക്കുറിച്ചല്ലാ , "നക്ഷത്ര യുദ്ധത്തിന്റെ ശാസ്ത്രീയ വശങ്ങളെക്കുറിച്ച് വിശകലനം ചെയ്യാന്‍ കിടക്കുമ്പോഴാണ് അവന്റെ ഒരു അന്വേഷണം . ഒന്നു പോടേ" :- എന്ന് പറയുന്നവരുടെ വിഭാഗമാണോ , അതാണ്‌ ചോദിച്ചത് .
കപ്പിലാനോട് താങ്കള്‍ പറഞ്ഞ കമന്റിനു എന്‍റെ പ്രതികരണമാണ് ഞാന്‍ മുകളില്‍ ഇട്ടത്.
അത് താങ്കള്ക്ക് മനസ്സിലായില്ലെങ്കില്‍ അതെന്‍റെ കുറ്റമാണോ? ഒരു പോസ്റ്റിനു കമന്റ് ഇടുമ്പോള്‍ മിനിമം അത് അത് മുഴുവന്‍ വായിച്ചു മനസിലാക്കിയിട്ട് കമന്റ് ഇട്ടാല്‍ നന്നായിരിക്കും.
പിന്നെ ഇനി ഇതു വഴി വരുന്നതും, വരാതിരിക്കുന്നതും താങ്കളുടെ ഇഷ്ടം. താങ്കള്‍ ഈ ബ്ലോഗില്‍ വന്നു ഞാന്‍ എഴുതുന്നത് വായിച്ചാലും ഇല്ലെങ്കിലും എന്‍റെ ജീവിതഗതിക്ക്‌ പ്രത്യേക മാറ്റമൊന്നും വരാന്‍ പോകുന്നില്ലാ .
കാരണം പോസ്റ്റുകളും, കമന്റുകളും വഴി എന്‍റെ ജീവിതം അല്ലെങ്കില്‍ എക്സിസ്സ്റ്റന്‍സ് മറ്റുള്ളവരെ അറിയിക്കേണ്ട ഒരു അവസ്ഥ എനിക്കില്ലാ എന്നത് തന്നെ.
പിന്നെ ഉദ്ദേശശുദ്ധി: അത് ഈ ബ്ലോഗ് തുടങ്ങിയപ്പോള്‍ ഉള്ളത് തന്നെ ഇപ്പോഴും. പ്രത്യേകിച്ച് മാറ്റം ഒന്നും ഉണ്ടായിട്ടില്ല. താങ്കള്ക്ക് പെട്ടന്ന് മറിച്ച് തോന്നിയാല്‍... ടഫ് ലക്ക്
Post a Comment