കഴിഞ്ഞ ദിവസങ്ങളിലെ ടി വി ദൃശ്യങ്ങള്‍,പത്ര തലക്കെട്ടുകള്‍ എന്നിവയെന്നെ എന്നെ വല്ലാതെ വേട്ടയാടുന്നു.കാരണം എത്ര ശ്രമിച്ചിട്ടും മൈക്കിള്‍ ജാക്സന്‍ കാലയവനികക്ക് പിന്നിലേക്ക് മൂണ്‍വാക്ക്‌ ചെയ്തു എന്ന് എനിക്ക് വിശ്വസിക്കാന്‍ കഴിയുന്നില്ല.
സാധാരണ ചെറ്റകളാണെങ്കിലും പത്രങ്ങള്‍ കുറച്ചു കൂടി കാരുണ്യം ഇത്തവണ കാട്ടി എന്ന് തോന്നുന്നു.'തട്ടി പോയി', പണ്ടാരമടങ്ങി' ,'സിദ്ധി കൂടി', 'പാസ്ഡ് എവേ','ഗോണ്‍ ഫോര്‍ ഗുഡ്' തുടങ്ങിയ പതിവ് ക്രൂര പദങ്ങള്‍ ഉപയോഗിക്കാതെ തലക്കെട്ടുകളില്‍ 'ദി ഫൈനല്‍ കര്‍ട്ടന്‍' (അതും മലയാളം പത്രത്തില്‍) ,'ജക്കോസ് ലാസ്റ്റ്‌ മൂണ്‍ വാക്ക്' തുടങ്ങിയ അതിമനോഹര പദങ്ങളാണ് ഉപയോഗിച്ചത്.മരണാനന്തരം എം ജെ മലയാള പത്രങ്ങള്‍ വായിച്ച് നൃത്തം ചെയ്യുന്നുണ്ടാവണം.
വെള്ളിയാഴ്ച്ച കാലത്ത്,ഇപ്പോള്‍ പ്രത്യേകിച്ച് വേറെ പണിയൊന്നും ഇല്ലാത്തതിനാല്‍,ടി വി കണ്ടേക്കാം എന്ന് കരുതി അത് ഓണ്‍ ചെയ്തപ്പോഴാണ് മൈക്കിള്‍ ജാക്സന്റെ മരണ വിവരം ഞാന്‍ അറിയുന്നത്. ഹോ കുറച്ചു കാലം മുന്‍പായിരുന്നെങ്കില്‍ ആ വാര്‍ത്ത ഞാന്‍ കാണില്ലായിരുന്നു.അന്ന് എനിക്ക് ടി വി കാണാന്‍ സമയമില്ലലോ.താടിയങ്കിളിന്റെ മലയാളം പടം കഴിഞ്ഞാല്‍, ഞാന്‍ തന്നെ നിര്‍മിക്കുന്ന താടിയുടെ തമിഴ് പടം, അത് കഴിഞ്ഞാല്‍ തെലുങ്ക്,പിന്നെ സമയം കിട്ടിയാല്‍ കന്നഡ. ഇടയ്ക്കിടെ അസത്യന്‍ ഡ്വാണ്‍ഫോറസ്റ്റ് അങ്കിളിന്റെ പടങ്ങള്‍.ഇതിനിടെ ടി വി കാണാന്‍ ആര്‍ക്കു നേരം? ങാ, അതൊക്കെ ഒരു കാലം. അത് പോട്ടെ...അപ്പോള്‍, എന്താ പറഞ്ഞു വന്നത്?ഓ, മൈക്കില്‍ ജാക്സന്‍. അദേഹം നമ്മെ വിട്ടു പിരിഞ്ഞു എന്ന വാര്‍ത്ത എന്നിലുണ്ടാക്കിയ അവിശ്വസിനിയത പോലെ ഒന്ന് ഇതിനു മുന്‍പ് ഉണ്ടായത് ഞാനും , സുപ്പര്‍ സ്റ്റാര്‍ ഏട്ടനും അഭിനയിച്ച അസത്യന്‍ അങ്കിളിന്റെ 'മിനിഞ്ഞാന്നത്തെ ചിന്താഭാരത്തിന്' കേരള സര്‍ക്കാര്‍ ജനപ്രിയ സിനിമക്കുള്ള അവാര്‍ഡ്‌ കൊടുത്തപ്പോള്‍ മാത്രമാണ്.
വാര്‍ത്ത കണ്ടപ്പോള്‍ തന്നെ,എനിക്കറിയാവുന്നവരെയൊക്കെ വിളിച്ച് ജക്കോ മരിച്ചിട്ടില്ല എന്ന് പറയണം എന്ന് വിചാരിച്ചതാണ്(നേരത്തെ പറഞ്ഞില്ലേ,ഇപ്പൊ പ്രത്യേകിച്ച് പണിയൊന്നും ഇല്ലല്ലോ.എനിക്കും സമയം പോണ്ടേ?).പക്ഷേ പരിപാടി ചീറ്റി പോയി.പണ്ടായിരുന്നെങ്കില്‍ എന്‍റെ കാള്‍ ആദ്യത്തെ റിംഗ് അടിക്കും മുന്‍പേ സകല ഫ്രാഡുകളും ചാടി വീണ് എടുത്തേനെ.പക്ഷേ ഇപ്പോള്‍ ഒരു ഡോഗും തിരിഞ്ഞ് നോക്കുന്നില്ല. അല്ലേലും കഷ്ടകാലം വരുമ്പോള്‍ ഇങ്ങനെ തന്നെ.
മൈക്കിന്റെ(മടിയില്‍ കിടത്തിയല്ലേ പേരിട്ടത്) മരണം എന്നെ വല്ലാതെ തളര്‍ത്തിയിരുന്നു. കുഞ്ഞും നാളില്‍ ഞാന്‍ താരാട്ടിനു പകരം കേട്ടിരുന്നത് 'സ്മൂത്ത്‌ ക്രിമിനലും', 'ആനി'യും ഒക്കെയായിരുന്നല്ലോ.മാത്രമല്ല 'മൈക്ക് ഈസ്‌ ദി മോസ്റ്റ്‌ പോപ്പുലര്‍ മോട്ടേര്‍സ് ഇന്‍ ദി വേള്‍ഡ്' (ഒരു വിധം ഒപ്പിച്ചെന്ന് തോന്നുന്നു) .
അങ്ങനെ എന്നും എന്‍റെ കൂടെ ഉണ്ടായിരുന്ന മൈക്ക് മരിച്ചു എന്ന് വിശ്വസിക്കാന്‍ എനിക്ക് ഇപ്പോഴും കഴിയുന്നില്ല. പച്ചാളം വാസു, തവളക്കുളം ചാണ്ടി, ഗ്രെഗറി പെക്ക്, അമിതാബ് ബച്ചന്‍, ദിം ദി മത്തായി , അങ്ങേനെ ലോകം അറിയുന്ന ഒരുപാട് പ്രശസ്തര്‍ ഉണ്ടാകാം.പക്ഷേ ഒരേയൊരു മൈക്ക് മാത്രം. അന്തരാളത്തിലെ രംഗ വേദിയില്‍ ഒടുക്കത്തെ തിരശീല വീഴുന്നതിന് അഞ്ച് നിമിഷം മുന്‍പ് വരെ ഒരു തീക്കുറ്റിയായി ജ്വലിച്ച് നിന്ന മൈക്ക്...
എനിക്കങ്ങ് സങ്കടം വന്നു. പെരപ്പുരത്തു കയറിയിരുന്ന് കുറെ നേരം കരഞ്ഞു.അവസാനത്തെ ആനക്കാരന്‍ വയലിന്‍ ചന്ദ്രപ്പന്,എന്നെ കളഞ്ഞിട്ട് ആദ്യ ഭാര്യയുടെ കൂടെ പോയില്ലായിരുന്നുവെങ്കില്‍ ഞാന്‍ അവനെക്കൊണ്ട് ഒരു ശോക രാഗം വായിപ്പിച്ചേനെ.
എന്‍റെ കളിക്കൂട്ടുകാരനായിരുന്നു മൈക്ക്. സന്തോഷങ്ങളിലും,സന്താപങ്ങളിലും എന്നും എന്‍റെ ഒപ്പം ഉണ്ടായിരുന്നവന്‍.താടി അങ്കിളിനെ ആദ്യ സിനിമക്കു വേണ്ടി കാണാന്‍ പോകും വഴി ഞാന്‍ ജക്കോയുടെ 'ഡെയ്ന്ച്ചറസ്' എന്ന ഗാനമാണ് കേട്ടിരുന്നത്. പിക്കാലത്ത് ഞാന്‍ നടുവൊടിച്ച് ഉണ്ടാക്കിയ കാശെല്ലാം ബന്ധുക്കള്‍,സുഹൃത്തുക്കള്‍, അഭ്യുദയകാംഷികള്‍,ബോയ്‌ ഫ്രണ്ട് എന്നൊക്കെ പറഞ്ഞ് കൂടെ നിന്നവനോക്കെ ചേര്‍ന്ന് അടിച്ചോണ്ട് പോയപ്പോള്‍, ഞാന്‍ ആശ്വാസം കണ്ടത് 'ആള്‍ ഐ വാണാ സേ ഈസ്‌ ദാറ്റ്‌ ദേ ഡോണ്ട് റിയലി കെയര്‍ എബൌട്ട്‌ അസ്‌' എന്ന മൈക്കിന്റെ വരികളിലാണ്.ഒടുവിലത്തെ കുറ്റി, വയലിന്‍ ചന്ദ്രപ്പന് വേറെ കെട്ടിയോളും കുട്ടികളും ഉണ്ട് എന്നറിഞ്ഞപ്പോള്‍, അവനെ ജക്കോയുടെ 'ബാഡ്‌' കേള്‍പ്പിക്കാന്‍ ഞാന്‍ ശ്രമിച്ചപ്പോളല്ലേ പുല്ലന്‍ കളഞ്ഞിട്ട് പോയത്?ഇന്നോളമുള്ള എന്‍റെ ജീവിതത്തെ മൈക്ക് അത്രത്തോളം സ്വാധീനിച്ചിരുന്നു.
ജീവിതത്തില്‍ ഒരുപാട് അത്യാര്‍ത്തികള്‍ ഉള്ള ഒരുവളാണ് ഞാന്‍.അതില്‍ ഏറ്റവും വല്യ ആക്രാന്തങ്ങളില്‍ ഒന്ന് ജക്കോയെ നേരിട്ട് കാണുക എന്നതായിരുന്നു.ഇനി അത് സാധിക്കില്ല. സോ,ദൈവം എന്ന് പറയുന്ന മനുഷ്യന്‍ എന്‍റെ മുന്നിലെങ്ങാനും വന്നു പെട്ടാല്‍,ഇനി ഞാന്‍ ചോദിക്കുക'അടുത്ത ജന്മത്തിലും ഞാന്‍ സമീരാ ഡാഫോഡില്‍ ആയി ജനിക്കണം, ദേശിയ അവാര്‍ഡ്‌ മാത്രമല്ല ഓസ്കാര്‍ വരെ വാങ്ങണം, ലോകമറിയുന്ന നടിയാകണം, ഈ ജന്മത്തില്‍ എന്നെ വിലക്കിയ മലയാള താര സംഘടന പണ്ടാരമടങ്ങി പോകണം' എന്നൊക്കെയാവും.നാശം!!!എഴുതാന്‍ വന്നത് മറന്നു.'മൈക്കിള്‍ ജാക്സന്‍ വീണ്ടും ജനിക്കണം' എന്നും ഞാന്‍ വരം ചോദിക്കും കേട്ടോ.
സമീരാ ഡാഫോഡില്‍
Subscribe to:
Post Comments (Atom)
3 comments:
hi hi meera jasmine alle kakshi, very good
ഇവിടെ നിന്നാണോ പ്രചോദനം ? ഒരു സംശയം ചോദിച്ചതാനെ. സംഗതി തകര്‍ത്തു
LOL... The original is 100 times funnier :)
Post a Comment