ആത്മാഭിമാനമുള്ള പൌരന്മാരെ,
രാജ്യത്ത്‌ ആത്മാഭിമാനത്തിന്റെ ലെവല്‍ ഈയിടയായി ഒരല്‍പം കുറഞ്ഞുവോ എന്നോരോ സംശയം.കാരണം മറ്റൊന്നുമല്ല. അമേരിക്ക, ബ്രിട്ടന്‍ തുടങ്ങിയ രാജ്യങ്ങളിലെ വിമാന കമ്പനികള്‍ നമ്മള്‍ ഇന്ത്യക്കാരെ പിടിച്ചു തുണിയഴിച്ച് പരിശോധന നടത്തുന്നതിന് ചില തെമ്മാടികള്‍ കിടന്നു ബഹളം ഉണ്ടാക്കി തുടങ്ങിയിരിക്കുന്നു.നടുവിന് ചവിട്ട്‌ കൊള്ളാത്ത കുഴപ്പമാണ് അവനൊക്കെ.
ആത്മാഭിമാനമുള്ള പൌരന്മാരായ നമ്മുക്ക് ഇന്ന് ലോകത്താകെ ലഭിച്ചു കൊണ്ടിരിക്കുന്ന പല അംഗീകാരങ്ങളില്‍ ഏറ്റവും ഉന്നതമായവയല്ലേ, നമ്മുടെ വല്യേട്ടനായ അമേരിക്ക, വ്യലപ്പനായ ബ്രിട്ടന്‍ തുടങ്ങിയ രാജ്യങ്ങളിലുള്ള സായിപ്പ് മുതലാളിമാര്‍ നമ്മുടെ അടിവസ്ത്രം വരെ ഊരി പരിശോധിക്കുക എന്നത്? ഈ ബഹളമുണ്ടാക്കുന്ന അലവലാതികള്‍ ഇനിയിതൊക്കെ എന്ന് പഠിക്കാന്‍? നമ്മുടെ പ്രതിരോധ മന്ത്രി മുതല്‍, മുന്‍ രാഷ്ട്രപതി വരെയുള്ള ആണ്‍കുട്ടികള്‍ ഇത്തരം ബഹുമാനങ്ങള്‍ നെഞ്ചൂക്കോടെയല്ലേ ഇന്നോളം ഏറ്റ് വാങ്ങിയിട്ടുള്ളത്?
ഇന്ത്യയ്ക്കകത്തും പുറത്തുമായി നിരവധി സായിപ്പന്മാര്‍ പലപ്പോഴായി അവരുടെ കോണകം വരെ ഊരി വാങ്ങി.എന്നിട്ട് അവരാരെങ്കിലും കമാന്ന് മിണ്ടിയോ? ഇല്ല. അവര്‍ക്കറിയാം, സായിപ്പ് മുതലാളിമാര്‍ ഇതൊക്കെ ചെയ്യുന്നത് നമ്മളോടുള്ള സഹിക്കാന്‍ പറ്റാത്ത സ്നേഹത്തിന്റെ പുറത്താണെന്ന്.
ചില അവന്മാര്മാര്‍ പറഞ്ഞോണ്ട് നടക്കുന്നുണ്ട്...നമ്മുടെ പ്രതിരോധ മന്ത്രിയെ പുറം രാജ്യത്ത്‌ തുണിയഴിച്ച് പരിശോധനയ്ക്ക്‌ വിധേയനാക്കിയാല്‍, ആ മന്ത്രി 'നിന്റെ രാജ്യത്ത്‌ എനിക്ക് കയറെണ്ടാടാ പുല്ലേ!!!' എന്ന് പറഞ്ഞിട്ട് മടങ്ങി പോരണമായിരുന്നു എന്നും, നമ്മുടെ രാജ്യത്ത്‌ വെച്ചു ഇത് ചെയ്‌താല്‍ ആ വിമാന കമ്പനിയെ തുടര്‍ന്ന് ഇവിടെ സേവനം നടത്താന്‍ അനുവദിക്കരുത്,എന്നൊക്കെ. ഇവനൊക്കെ പറയുന്നത് പോലെ ചെയ്‌താല്‍ സായിപ്പ് മുതലാളിമാര്‍ നമുക്ക് തരുന്ന ആയുധം മുതല്‍ കോണ്ടതിന്റെ വരെ കോടികള്‍ വിലയുള്ള കരാറുകള്‍, അതുവഴിയുള്ള കമ്മീഷന്‍, ഇവയൊക്കെ ഇവന്റെയൊക്കെ കുടുമ്പത്തീന്ന് കൊണ്ട് വരുമോ.ഛെടാ!!! സായിപ്പന്മാര്‍ തുണിയഴിച്ചോണ്ട് പോയവന്മാര്‍ക്ക് പരാതിയില്ല.പിന്നെ ഇവനൊക്കെ എന്തിന്റെ കഴപ്പാ?
ഇനി വേറെ ചില അവന്മാരുണ്ട്. "അമേരിക്കന്‍ പ്രസിഡന്റ്, ബ്രിട്ടിഷ്‌ പ്രൈം മിനിസ്റ്റര്‍ എന്നിവരെയൊക്കെ മറ്റു വല്ല രാജ്യത്തും വെച്ചു ഇത് പോലെ ചെയ്യാന്‍ ആര്‍ക്കെങ്കിലും ധൈര്യം വരുമോ?" എന്ന് ചോദിക്കുന്നവന്മാര്‍. ബോയ്സ്, അമേരിക്ക , ബ്രിട്ടന്‍ , നമ്മുടെ രാജ്യം ഇതെല്ലാം കൂടി തുലനം ചെയ്യരുത്.സായിപ്പന്മാര്‍ പലതും ചെയ്യും. നാണമില്ലാത്തവന്മര്‍!!! അത് കണ്ട് നമ്മള്‍ ആത്മാഭിമാനമുള്ളവര്‍ക്ക് അങ്ങനെ തന്നെ ചെയ്യാന്‍ സാധിക്കുമോ? ഇനി അഥവാ ചെയ്‌താല്‍ തന്നെ സായിപ്പ് ഊരി വാങ്ങിയ നമ്മുടെ ട്രൌസര്‍ കീറുക കൂടി ചെയ്‌താല്‍?ട്രൌസറിന് സമാധാനം ആര് പറയും? അത് കൊണ്ട് നമുക്ക് സായിപ്പ് മുതലാളിമാരെ ബഹുമാനിച്ചേ പറ്റു. നമ്മള്‍ മാത്രമല്ല, നമ്മുടെ വരും തലമുറയും മനസിലാക്കണം; സായിപ്പ് നമ്മുടെ മുതലാളി, ഉടയോന്‍, ദൈവം എന്നിവയൊക്കെയാണെന്ന്.
നമുക്ക് സായിപ്പിന്റെ മുന്നില്‍ തുണിയൂരി നിന്നും, മഹാത്മാ ഗാന്ധിയെ കോനയടിച്ച പെണ്ണുമ്പിള്ള അണ്ടര്‍ സെക്രെട്ടറി എന്ന് പറഞ്ഞു സന്ദര്‍ശനത്തിന് വരുമ്പോള്‍ തലയില്‍ ചുമന്നും,നമ്മുടെ ആത്മാഭിമാനം വരും തലമുറയ്ക്ക് കാട്ടിക്കൊടുക്കണം .
ജയ് കോന്റിനെന്റല്‍ ,
കേന്ദ്ര അത്മാഭിമാന മന്ത്രി (എണ്‍പതോളം തെണ്ടികള്‍ ഉള്ളപ്പോള്‍ ഇങ്ങനെയും വകുപ്പുകള്‍ വരും)
ഗോഡ് ബ്ലെസ്സ് അമേരിക്കാ സിംഗ് .
Subscribe to:
Post Comments (Atom)
2 comments:
ചൂടാവാതെ മാഷേ.
When the number of Indian Ministers with criminal background including pending cases is reaching staggering heights each term, what guarantee does any airline company (for that matter even Indian ones) have that these ministers are not armed?
For reference go to http://nocriminals.org/
The real question should have been how could an American law enforced here in India when Indian Law exempts its Ex-President from such formalities?
And I was expecting a post on this topic from you. Keep up the good work.
If tomorrow one of India's former PM/president enters a flight with a bomb/pistol, who will be responsible for that...? Will this same people be there to support him that time also...?
What continental Airlines did is exactly right... If we Indians are not doing this kind of checking for Foreign delegates, that's our mistake... Or we don't have the guts to do that... Then we should just shut up...
Post a Comment