Tuesday, February 3, 2009

സി ബീ എസ് സിക്ക് തത്തുല്യമായ മദ്രസ്സ പഠനത്തിന്‍റെ മാര്‍ഗ്ഗരേഖകള്‍

മദ്രസ്സ പഠനം സി ബി എസ്സിക്ക് തത്തുല്യമാക്കുന്ന നിയമത്തിന്റെ കരട്‌ രേഖ .

1) മദ്രസ്സകളില്‍ ചേരുന്നവരെയെല്ലാം തന്നെ ഒന്‍പതാം ക്ലാസ് വിജയികളായി കണക്കാക്കും .

2 ) ഖുറാനിലെ പത്ത് സൂറത്തുകള്‍ തെറ്റ് കൂടാതെ ഉദ്ധരിക്കുന്നവര്‍ ,മറ്റു സിലബസുകളില്‍ പത്താംക്ലാസ് വിജയിച്ചവര്‍ക്ക് തുല്യരാവും . പന്ത്രണ്ട് സൂറത്തുകള്‍ ഉദ്ധരിക്കുന്നവര്‍ക്ക് പ്ലസ് ടൂ വിന് തുല്യമായ യോഗ്യത നല്‍കും. പീ എസ് സി പരീക്ഷകള്‍ എഴുതാനും ഇവര്‍ യോഗ്യരാവും. ഈ പരീക്ഷകളില്‍ ,ഈ പരീക്ഷകളില്‍ ഇവര്‍ പഠിച്ച പത്ത്/പന്ത്രണ്ട് സൂറത്തുകളില്‍ നിന്നുള്ള ചോദ്യങ്ങള്‍ക്ക് മാത്രം ഇവര്‍ ഉത്തരങ്ങള്‍ എഴുതിയാല്‍ മതിയാവും.


3) ) പതിനഞ്ച് സൂറത്തുകള്‍ മനഃപാഠമാക്കിയവര്‍ ബിരുദധാരികളും , പതിനേഴെണ്ണം അറിയുന്നവര്‍ ബിരുദാനന്തര ബിരുദധാരികളുമായ് കണക്കാക്കപ്പെടും.

4) സൂറത്തുകള്‍ക്ക് പുറമെ ഹദീസുകളും മനഃപാഠമാക്കിയവര്‍ക്ക് അവരുടെ ഇഷ്ടാനുസരണം ഡോക്ടറോ ,ഇന്ജിനിയറോ, എം സി എ കാരോ, ബയോ ടെക്നോളജിസ്റ്റുകളോ അങ്ങിനെ എതെങ്കിലുമൊന്നായ് സ്വയം പ്രഖ്യാപിക്കാം. ഇനി ഇതെല്ലാംകൂടി ഒന്നിച്ചാകണം എന്നുള്ളവര്‍ ,ചുരുങ്ങിയത് മൂന്ന് തവണ ഹജ്ജിന് പോയ നാല് ഹാജിമാരുടെ സമ്മത പത്രം ഹാജരാക്കിയാല്‍ മതിയാവും.

5) ആയിരത്തൊന്നു രാവുകളില്‍ , ആകാശസഞ്ചാരം, യുദ്ധം, പ്രതിരോധം എന്നിവയെക്കുറിച്ച് സുവ്യക്തമായി പ്രതിപാദിച്ചിരിക്കുന്നതിനാല്‍ ആ കൃതി മനഃപാഠമാക്കിയവര്‍ക്ക് മാത്രമേ, ബഹിരാകാശ ഗവേഷണം, പ്രതിരോധ ഗവേഷണം , ആണവോര്‍ജ്ജ വികസനം എന്നീ മേഖലകളിലെ വിവിധ ജോലികള്‍ക്ക് അര്‍ഹത ലഭിക്കുകയുള്ളൂ.

6) പ്രവാചകന്റെ കഥകള്‍ അറിയുന്നവര്‍ക്ക് രാജ്യരക്ഷാ വകുപ്പിന്റെയും , ഖലീഫ ഉമറിന്റെ കഥകള്‍ അറിയുന്നവര്‍ക്ക് അഭ്യന്തര വകുപ്പിന്റെയും ഉപമേധാവികളാകുവാന്‍ അര്‍ഹതയുണ്ടാവും.

7) മുകളില്‍ പറഞ്ഞ ആറ് യോഗ്യതകളും ഒന്നിച്ചുള്ളവര്‍ , ചുരുങ്ങിയത് ഒരു തവണ ഹജ്ജിന് പോയിട്ടുണ്ടെങ്കില്‍ , രാഷ്ട്രപതി സ്ഥാനം , മന്ത്രി സ്ഥാനങ്ങള്‍ എന്നിവയൊഴികെ സര്‍ക്കാര്‍ സര്‍വീസില്‍ ഏത് സ്ഥാനവും അവരുടെ സ്വന്തം ഇഷ്ടാനുസരണം തിരഞ്ഞെടുക്കാം.

8) രാജ്യത്താകമാനം , ഓരോ കിലോമീറ്റര്‍ ഇടവിട്ട്‌ മദ്രസ്സകള്‍ സ്ഥാപിച്ച്, ചുരുങ്ങിയ നാളുകള്‍ക്കുള്ളില്‍ മുസ്ലീം സമുദായത്തിന് മുഴുവന്‍ ആധുനികലോകത്തിന് യോജിച്ച സര്‍ട്ടിഫിക്കെറ്റുകള്‍ നല്‍കുക എന്നത് ഈ സര്‍ക്കാരിന്റെ ഒരു വാശിയാണ്.

9) ജനാബ് കുഞ്ഞലവി സാഹിബ്‌ (മൂന്നാം ക്ലാസ് ഫെയില്‍ഡ് ), ജനാബ് ആലിക്കുട്ടി മുസലിയാര്‍ (അഞ്ചാം ക്ലാസ് , രണ്ടാം തവണ ) , മുക്രി അബ്ദുള്ള ('ഇസ്കൂള്‍' ഇറയത്ത്‌ മഴ നനയാതിരിക്കാന്‍ ഒരിക്കല്‍ കയറി നിന്നിട്ടുണ്ട്) എന്നിവര്‍ അടങ്ങിയ ഒരു മൂന്നംഗ സമതി മറ്റ് സിലബസുകള്‍ വിശദമായി പരിശോധിച്ച്,അവയെ മദ്രസ്സാ സിലബസ്സിനു തുല്യം പിഴവുറ്റവയാക്കി താമസിയാതെ പുനഃപരിഷ്കരിക്കുവാനുള്ള നിര്‍ദ്ദേശങ്ങള്‍ നല്‍കുന്നതായിരിക്കും .

വിദ്യഭ്യാസ രംഗത്തെ വിപ്ലവകരമായ ഈ മുന്നേറ്റം കൂടാതെ,ബഹുഭാര്യത്വം നിയമം മൂലം നിര്‍ബന്ധിതമാക്കുക, നോയമ്പ് കാലത്ത് പകല്‍ ഹോട്ടലുകള്‍ പ്രവര്‍ത്തിക്കുന്നത് രാജ്യത്താകമാനം നിയമം വഴി നിരോധിക്കുക തുടങ്ങിയ നിയമങ്ങള്‍ മുസ്ലീം സമുദായത്തിന്റെ പ്രീണനത്തിനായ് ,ക്ഷമിക്കണം ഉന്നമനത്തിനായ്, കേന്ദ്ര സര്‍ക്കാരിന്റെ പരിഗണനയിലുണ്ട് .


അന്യ മതസ്ഥരുടെ ശ്രദ്ധയ്ക്ക് : മേല്‍ പറഞ്ഞ നിയമങ്ങള്‍ നിങ്ങളുടെ മതത്തിനും അനുവദിച്ചു കിട്ടണം എന്ന് നിങ്ങള്‍ ആഗ്രഹിക്കുന്നുണ്ടാവാം . അതെല്ലാം വരുന്ന ലോക സഭാ തിരഞ്ഞെടുപ്പില്‍ നിങ്ങളുടെ പ്രകടനത്തെ ആശ്രയിച്ചിരിക്കും . ഈ സര്‍ക്കാരിനെ ഒരു സ്ഥിരം സര്‍ക്കരാക്കുന്നതില്‍ നിങ്ങള്‍ വിജയിച്ചാല്‍ ,നിങ്ങളുടെ ആവശ്യങ്ങളും അനുഭാവപൂര്‍വ്വം പരിഗണിക്കുന്നതായിരിക്കും.

ഭിന്നിപ്പിച്ച് ഭരിക്കുക എന്ന മുദ്രാവാക്യത്തോടെ ,

കേന്ദ്ര തരികിട മന്ത്രി

എ കെ

29 comments:

Manoj മനോജ് said...

വികാരം കൊള്ളാതെ യാഥാര്‍ത്ഥ്യങ്ങള്‍ തിരിച്ചറിയൂ...

ഞാന്‍ ഇതിനെ കുറിച്ച് ഒരണ്ണം പോസ്റ്റിയിട്ടുണ്ട് (http://vyathakal.blogspot.com/2009/02/blog-post_03.html)

Anonymous said...

അതെ വികാരംകൊല്ലതിരിക്ക്. അടുത്തത് സെമിനാരികള്‍ ഡിംഡ് യുനിവേര്സിസിറ്റികളും ,പാഴൂര്‍ പടിപ്പുര റിസേര്‍ച്ച് അക്കാദമിയും ആക്കട്ടെ

Anonymous said...

ഇതാണ് നമ്മുടെ നാടിന്റെ കുഴപ്പം. ഇനി നാളെ കാശ്മീര്‍ പാക്കിസ്ഥാന് വിട്ടു കൊടുക്കാന്‍ തീരുമാനിച്ചാലും ,വികാരം കൊള്ളാതെ അതിന്റെ നല്ല വശങ്ങള്‍ കാണു എന്ന് പറയാന്‍ ഇവിടെ ബുദ്ധിജീവികള്‍ ഉണ്ടാകും.

Ginto said...

Satire at it's very best . :)
On a serious note , how can anyone be so naive to think that end goal of this proposed scheme will be the benefit of Muslims? And that too in a country like India where every thing is done with a hidden objective

Aadityan said...

മനോജ് ഇനത്തെ ലിങ്ക് വയ്ച്ചു. സുഹൃത്തേ ഇതിനും appuram ഒക്കെ പറഞ്ഞു തുടങിയ പലതും എപ്പോലെന്തായി ( അതൊക്കെ കേട്ട് ന്യായം പറഞ്ഞവര്‍ എപ്പോള്‍ ആരായി ) എന്നും അല്ലോചിച്ചാല്‍ സത്യം മനസിലാകും. പിന്നെ പ്രൈവറ്റ് മേകലയുടെ തകര്‍ച്ച പൂര്‍ണമാകുമ്പോള്‍, സര്‍കാര്‍ ജോലിക്കുള്ള തള്ളു കുടുമ്പോള്‍, ആയിരിക്കും ഇങ്ങനെയുള്ള നയങളുടെ പ്രശ്നം മനസിലാകുന്നത്‌.ഏതൊക്കെ മതങ്ങള്‍ തമിലുള്ള വിടവ് കൂടാന്നെ ഉപകരിക്കു എന്നാണ് എന്നികു തോനുന്നത്

Aadityan said...

നാളെ സണ്‍‌ഡേ സ്കൂള്‍ വിദ്യാഭ്യാസം മദ്രസക്ക് തുല്യമാക്കണം എന്ന് ക്രിസ്ടിഅന്‍സ് ഉം സ്മമാനമായ ഏതെങ്കിലും ഏര്‍പ്പാട് ടുല്യമാക്കണം എന്ന് ഹിന്ദു സംഘടനകളും അവ്യശ്യപെട്ടലോ ? പറ്റില എന്ന് പറഞ്ഞാല്‍ വിവേചനം ആയില്ലെ . അപ്പോള്‍ നമ്മുടെ പാവം വിദ്യാഭ്യാസ സ്ഥാപനങ്ങള്‍ ആരായി?

Anil said...

മനോജ് ചേട്ടാ മദ്രസയില്‍ സയന്‍സിന്റെ കൂടെ ഇതും പഠിപ്പിക്കുമോ?

“ഏഴാകാശങ്ങളെ ഒന്നിനു മേല്‍ ഒന്നായി അല്ലാഹു സൃഷ്ടിച്ചിരിക്കുന്നു. ചന്ദ്രനെ അതില്‍ ഒരു വെളിച്ചമായും സൂര്യനെ ഒരു വിളക്കായും വെച്ചിരിക്കുന്നു.”(71:15,16)

-----------------------------------

“സൂര്യന്‍ അതിന്റെ വിശ്രമത്താവളത്തിലേയ്ക്കു സഞ്ചരിക്കുന്നു. ചന്ദ്രനും അതിന്റെ ഘട്ടങ്ങള്‍ നാം നിര്‍ണ്ണയിച്ചു. ഉണങ്ങിയ ഈന്തക്കുലത്തണ്ടു പോലെ അതു മടങ്ങിവരും വരെ. സൂര്യനു ചന്ദ്രനെ എത്തിപ്പിടിക്കാവുന്നതല്ല. രാത്രി പകലിനെ കവച്ചു കടക്കുന്നതുമല്ല.”(36:38-40)

-----------------------------------

“സൂര്യനേയും അതിന്റെ പ്രകാശത്തെയും കൊണ്ട് സത്യം. ചന്ദ്രന്‍ അതിനെ പിന്തുടരുമ്പോള്‍ ചന്ദ്രനെക്കൊണ്ടു സത്യം.”(91:1,2)

-----------------------------------

“അങ്ങനെ അദ്ദേഹം ഒരു വഴിയേ സഞ്ചരിച്ചു. ഒടുവില്‍ സൂര്യന്‍ അസ്തമിക്കുന്ന സ്ഥാനത്തെത്തിയപ്പോള്‍ കറുത്ത ഒരു ചെളിത്തടാകത്തില്‍ അത് അസ്തമിക്കുന്നത് അദ്ദേഹം കണ്ടു. അതിനടുത്ത് ഒരു ജനതയേയും കണ്ടു....”(18:85,86)

-----------------------------------

“പിന്നീടദ്ദേഹം മറ്റൊരു വഴിയേ സഞ്ചരിച്ചു. ഒടുവില്‍ സൂര്യന്‍ ഉദിക്കുന്ന സ്ഥലത്തെത്തിയപ്പോള്‍ മറ്റൊരു ജനതയുടെ മേല്‍ അതു ഉദിക്കുന്നതായി അദ്ദേഹം കണ്ടു. അവര്‍ക്കും സൂര്യനും ഇടയില്‍ നാം ഒരു മറ വെച്ചിരുന്നില്ല. (18:89,90)

-----------------------------------

“ഏഴാകാശങ്ങളില്‍ ഏറ്റവും താഴത്തെ ആകാശത്തെ നക്ഷത്രങ്ങള്‍ കൊണ്ടലങ്കരിച്ചിരിക്കുന്നു. നക്ഷത്രങ്ങളെ പിശാചുക്കളെ എറിയുന്നതിനുള്ള അസ്ത്രങ്ങളാക്കുകയും ചെയ്തിരിക്കുന്നു.”(67:5)

-----------------------------------

“ധിക്കാരികളായ എല്ലാ പിശാചുക്കളില്‍നിന്നും ആകാശത്തെ സുരക്ഷിതമാക്കുകയും ചെയ്തിരിക്കുന്നു. ഉന്നത സദസ്സില്‍നിന്ന് ആ പിശാചുക്കള്‍ക്കു കട്ടു കേള്‍ക്കാന്‍ സാധിക്കുകയില്ല. നാനാഭാഗത്തുനിന്നും അവര്‍ എറിഞ്ഞ് ആട്ടിയോടിക്കപ്പെടും. അവര്‍ക്കാണു ശാശ്വത ശിക്ഷയുള്ളത്. എന്നാല്‍ റാഞ്ചിക്കൊണ്ടു പോകുന്ന ചിലര്‍ ഒഴികെ. തുളച്ചു ചെല്ലുന്ന അഗ്നി അവനെ പിന്തുടരും”(37:6-10)

-----------------------------------
“ചന്ദ്രക്കലകളെക്കുറിച്ച് അവര്‍ താങ്കളോട് ചോദിക്കുന്നു. പറയുക: അവ മനുഷ്യര്‍ക്കും ഹജ്ജിനും സമയം കണക്കാക്കാനുള്ളതാകുന്നു”(2:189)

-----------------------------------

“സൂര്യനെ ഒരു തിളക്കമായും ചന്ദ്രനെ ഒരു വെളിച്ചമായും ആക്കിയതും അതിനു വിവിധ ഘട്ടങ്ങള്‍ നിര്‍ണയിച്ചതും അവനാകുന്നു. കൊല്ലങ്ങളുടെ എണ്ണവും കണക്കും നിങ്ങള്‍ക്കറിയാന്‍ വേണ്ടിയാണത്. ന്യായമായ ആവശ്യത്തിനു‍ വേണ്ടിത്തന്നെയാണു അല്ലാഹു അവയെ സൃഷ്ടിച്ചിട്ടുള്ളത്. അറിയുന്ന ജനതക്കായി ദൃഷ്ടാന്തങ്ങള്‍ അവന്‍ വിവരിച്ചു കൊടുക്കുന്നു.”(10:5)

-----------------------------------

“ഇടിനാദം അവനേ സ്തുതിക്കുകയും പുകഴ്ത്തുകയും ചെയ്യുന്നു. ഭയപ്പാടു മൂലം മലക്കുകളും അവനെ സ്തുതിക്കുന്നു. ഇടിമിന്നലിനെ അവന്‍ അയക്കുന്നു. അവനുദ്ദേശിക്കുന്നവരെ അതുമൂലം അവന്‍ അപായപ്പെടുത്തുകയും ചെയ്യുന്നു. ....”(13:13)

-----------------------------------

“താങ്കള്‍ കണ്ടില്ലേ? അല്ലാഹു മേഘത്തെ പതുക്കെ വലിച്ചുകൊണ്ടു വരുകയും പിന്നീട് അവയെ കൂട്ടിച്ചേര്‍ക്കുകയും അട്ടിയാക്കുകയും ചെയ്യുന്നത്. അങ്ങനെ അതിനടിയില്‍ക്കൂടി മഴ പെയ്യുന്നതും താങ്കള്‍ക്കു കാണാം. ആകാശത്തുള്ള മഞ്ഞുമലയില്‍നിന്ന് അവന്‍ മഞ്ഞുകട്ടകള്‍ വീഴ്ത്തുന്നു. എന്നിട്ടന്വന്‍ ഉദ്ദേശിച്ചവരുടെ മേല്‍ അതു വീഴുന്നു. അവനുദ്ദേശിച്ചവരില്‍നിന്നും അതു ഒഴിഞ്ഞു പോവുകയും ചെയ്യുന്നു.”(24:43)

-----------------------------------

വഹിച്ചു കൊണ്ടു പോകുന്ന കാറ്റുകളെ നാം അയച്ചു.
എന്നിട്ട് ആകാശത്തുനിന്നും നാം വെള്ളം ഇറക്കി.” (15:12)

-----------------------------------

ആകാശത്ത് അധീനമാക്കപ്പെട്ട പക്ഷികളെ അവര്‍ കാണുന്നില്ലേ? അല്ലാഹു അല്ലാതെ ആരാണ് അവയെ പിടിച്ചു നിര്‍ത്തുന്നത്? (16:79)

-----------------------------------

“പര്‍വ്വതത്തെ അവരുടെ തലയ്ക്കു മേല്‍ ഉയര്‍ത്തിപ്പിടിച്ചുകൊണ്ട് നാം അവരോട് കരാര്‍ വാങ്ങി..”(4:154)(2:63)

-----------------------------------

“മനുഷ്യരെയും കൊണ്ട് ഭൂമി ചെരിയാതിരിക്കാന്‍ അതില്‍ പര്‍വ്വതങ്ങള്‍ ഉറപ്പിച്ചു...” (16:15); (21:31)

-----------------------------------

“ആറു ദിവസങ്ങളിലായി ഭൂമിയെയും ആകാശത്തെയും അല്ലാഹു സൃഷ്ടിച്ചു. ( അതിനുമുന്‍പ്) അവന്റെ സിംഹാസനം വെള്ളത്തിനു മുകളിലായിരുന്നു. ”[11:7]

-----------------------------------

http://yukthivadam.blogspot.com/ ല്‍ നിന്നുമാണ് ഇതു വായിച്ചത്

Manoj മനോജ് said...

ഇത് തന്നെയാണ് കൂട്ടരെ പ്രശ്നം. 2004ല്‍ ആണ് ഈ പദ്ധതി തുടങ്ങിയത് (http://education.nic.in/SCST/SCST-NMCME.asp)

ആദ്യം ഈ പദ്ധതി എന്തെന്ന് മനസ്സിലാക്കുക. എന്തു കൊണ്ട് ഈ പദ്ധതി നടപ്പിലാക്കുന്നു എന്നും.

പണ്ട് വേള്‍ഡ് ബാങ്ക് സഹായത്താല്‍ കേന്ദ്രം ഡി.പി.ഇ.പി.യും, ഇപ്പോള്‍ എസ്സ്.എസ്സ്.എ.യും നടപ്പിലാക്കുന്നു. എന്ത് കൊണ്ട് അതിനെ എതിര്‍ക്കുന്നില്ല.

കേരളത്തിലെ ഇട്ടാ വട്ടത്തിലിരുന്ന് ചിന്തിക്കുന്നതാണ് പ്ര്ശനം. കേരളത്തിന് വെളിയില്‍ (അകത്തും) മദ്രസകളില്‍ മത പഠനത്തിന് പോകുന്ന കുട്ടികള്‍ക്ക് പൊതു വിദ്യാഭ്യാസം കിട്ടുന്നില്ല.

ഓപ്പണ്‍ സ്കൂള്‍ മാതൃകയിലുള്ള ഈ മദ്രസ്സ പദ്ധതിയില്‍ വളരെ കൃത്യമായ നിയമങ്ങള്‍ ഉണ്ട്. ഇനി പരീക്ഷ നടത്തുന്നത് നാഷണല്‍ എഡുക്കേഷണല്‍ കൌണ്‍സിലാണ്. പൊതു വിദ്യാഭ്യാസത്തിലെ മറ്റ് കുട്ടികള്‍ എഴുതുന്ന അതേ പരീക്ഷയാണ് ഇവിടെ പഠിക്കുന്നവരും എഴുതുന്നത്.

പിന്നെ ആദിത്യന്റെ ആശങ്ക കണ്ടിട്ട് അത്ഭുതമാണ് തോന്നുന്നത്. സര്‍ക്കാര്‍ ജോലിക്ക് ഞാന്‍ മാത്രമേ ഉണ്ടാകുവാന്‍ പാടുള്ളൂ എന്നത്....

യു.എന്‍.ഇ.എസ്സ്.സി.ഒ.യുടെ (യുനസ്കോ) നയം അനുസരിച്ച് 2015ല്‍ എല്ലാവര്‍ക്കും വിദ്യാഭ്യാസമെന്ന ലക്ഷ്യം വെച്ച് 147ഓളം വികസ്വര രാജ്യങ്ങളിലായി വിദ്യാഭ്യാസ പദ്ധതികള്‍ പണ്ടേ നടപ്പിലാക്കി കഴിഞ്ഞു. ഇന്ത്യയില്‍ 2003ല്‍ ഇത് തുടങ്ങി, ബി.ജെ.പി.യുടെ ഭരണക്കാലത്ത്. ഡി.പി.ഇ.പി., എസ്സ്.എസ്സ്.എ. എല്ലാം ഇതിന്റെ ഭാഗം. ഇന്ത്യന്‍ എഡ്യുക്കേഷന്‍ ബില്‍ 2005 മുന്നോട്ട് വെയ്ക്കുന്നത് 14 വയസ്സ് വരെ സൌജന്യ വിദ്യാഭ്യാസമാണ്. പിന്നോക്കം നില്‍ക്കുന്നവര്‍ക്കും, പെണ്‍കുട്ടികള്‍ക്കും പ്രത്യേക പരിഗണനയും കൊടുക്കുന്നുണ്ട്. രാജസ്ഥാനില്‍ അലഞ്ഞ് നടക്കുന്ന ബണ്‍ജാരകള്‍ കുട്ടികളെ സ്കൂളില്‍ ആക്കുവാന്‍ ശ്രമിച്ചപ്പോള്‍ അനുവദിക്കാതിരുന്നത് ഈ സന്ദര്‍ഭത്തില്‍ ഓര്‍ക്കുന്നത് നല്ലതാണ്. സാഹചര്യങ്ങള്‍ കൊണ്ട് പൊതു വിദ്യാഭ്യാസം കിട്ടാത്തവര്‍ക്ക് ഏത് വിധേനയും വിദ്യാഭ്യാസം കൊടുക്കണമെന്ന് വിദ്യ അഭ്യസിച്ച ഏതൊരു വ്യക്തിയും ആഗ്രഹിക്കും. അങ്ങിനെയുള്ളവരെ “ബുജി”കളായി കാണുന്നതും വളര്‍ന്ന് വന്ന സാഹചര്യത്തിന്റെ കുഴപ്പം തന്നെയാണ്. ഈ കുഴപ്പം തന്നെയാണ് ജാതി സ്പര്‍ദ്ധയ്ക്കും ആക്കം കൂട്ടുന്നതും.

പണ്ട് ഈസ്റ്റ് ഇന്ത്യ കമ്പനി ഭരിച്ചിരുന്നപ്പോള്‍ ക്രിസ്റ്റ്യന്‍ മിഷണറിമാര്‍ മത പ്രചരണത്തിന് വീടുകള്‍ക്കുള്ളീല്‍ തളക്കപ്പെട്ട സ്ത്രീകളെ കിട്ടുവാന്‍ ഒരടവ് പ്രയോഗിച്ചിരുന്നു. വിദേശീയ വനിതകളെ ഹിന്ദു ഭവനങ്ങള്‍ക്കുള്ളില്‍ കടത്തുക. അത് ഒരു പരിധി വരെ അവര്‍ക്ക് സാധിച്ചു. ഇംഗ്ലീഷ് വിദ്യാഭ്യാസം സ്ത്രീകള്‍ക്ക് പ്രാപ്യമായി. അന്നും എതിര്‍ക്കുവാണ്‍ “ആണുങ്ങള്‍” ഉണ്ടായിരുന്നു. എന്നാല്‍ വിദ്യാഭ്യാസം നേടിയ വനിതകള്‍ സ്വാതന്ത്ര്യ സമര‍ത്തിനിറങ്ങി പുറപ്പെട്ടു എന്നത് ചരിത്രം.

Manoj മനോജ് said...

അനില്‍, ഞാന്‍ അതില്‍ അഭിപ്രായം പറയുന്നില്ല കാരണം മതത്തിന്റെയല്ല വിദ്യാഭ്യാസത്തിന്റെ പ്രശ്നമാണ് ഞാന്‍ സംസാരിക്കുന്നത്. പിന്നെ മദ്രസകളെ നിര്‍ബന്ധപൂര്‍വ്വം ഈ പദ്ധതിയില്‍ ഉള്‍പ്പെടുത്തുന്നില്ല. ആവശ്യമുള്ള മദ്രസകള്‍ ചേര്‍ന്നാല്‍ മതി. പിന്നെ മുസ്ലീം മത പഠിതന്മാരുമായി ചര്‍ച്ച ചെയ്തിട്ട് തന്നെയാണ് ഈ പദ്ധതി മുന്നോട്ട് പോകുന്നതെന്നാണ് ഗവണ്മെന്റ് സൈറ്റ് പറയുന്നത്.

Aadityan said...

അനിയ , വിദ്യാഭ്യാസം എല്ലാര്ക്കും കൊടുക്കണം . അത് ഭരണ കുടത്തിനു കൃത്യമായ നിയന്ത്രണം ഉള്ള സ്ടപനങ്ങളിളുടെ ആകണം. ഈ ചെയുന്നത് വഴി സ്കൂള്‍ കളില്‍ നല്കുന്ന ശാസ്ത്രീയ വിദ്യാഭ്യാസം തെറ്റാണ് എന്ന് പറയുന്ന മത വിദ്യാഭ്യാസം ശരി വൈക്കുകയാണ് ചെയ്ന്നത് . ദൈവം ഭൂമി സൃഷ്ടിച്ചു . എന്നത് തിരുത്തി .ഭൂമി എങ്ങനെ ഉണ്ടായി എന്ന് പഠിപ്പിക്കാന്‍ ഏതെങ്കിലും മത സ്ഥാപനം തയാറാകുമോ ? ച്ചുരുകത്തില്‍ മതപടനതിനു സര്‍കാര്‍ ശമ്പളം എന്നതാകും ഇതിന്തെ അവസ്ഥ. എത്രയും കാലം ഭാരതത്തില്‍ ജീവിച്ചിട്ടും അനിയ നീ ഒന്നും പഠിച്ചില്ലേ ?

[Shaf] said...

എന്തെങ്കിലും എഴുതികുറിക്കുന്നതല്ല..വികാരത്തെ വിചാരം കോണ്ട് നേരിടേണ്ടിയിരിക്കുന്നു
ചര്‍ച്ചകള്‍ നല്ലതാണ് ..

കാര്യങ്ങള്‍ പഠിച്ച് വ്യക്തമായി അവതരിപ്പിച്ച ശ്രീ.മനോജ്, നന്ദി

Ginto said...

Shaf : It is a pity to see you mistaking searching the net and summarising the contents of two, three websites as detailed study. I call it data recycling .

off: Sorry for commenting in English.Malayalam trans soft not available

Aadityan said...

കൂടാതെ നമ്മുടെ നാട്ടില്‍ കുട്ടികള്‍ക്ക് ഇത്ര ക്ലാസ് വരെനിര്ബ്ഭന്ധിത വിദ്യാഭ്യാസം വേണം എന്നൊരു നിയമം (എത്രാം ക്ലാസ്വരെഎന്നത് പെട്ടെന്ന് ഓര്മ വരുന്നില്ല.) അത് നേരെ നടപ്പാക്കാന്‍ ഒരുസര്‍ക്കാരിനും ഇതുവരെ കഴിഞ്ഞിട്ടില്ല. (കഴിഞ്ഞിരുന്നെന്കില്‍ ഏഴ് ലക്ഷംകുട്ടികള്‍ മനോജ് പറഞ്ഞതു പോലെ മദ്രസകളില്‍ ആധുനിക വിദ്യാഭ്യാസംകാത്തു ഇരിക്കില്ലെല്ലോ) . അങ്ങിന്യുള്ള സര്കാരുകലാണ് ഇനി ബോര്‍ഡും ,സിലബസ്സും രൂപീകരിച്ചു മദ്രസകളെ ആധുനിക വിദ്യാലയങ്ങള്‍ ആക്കാന്‍പോകുന്നത്,അല്ലെ?

ArjunKrishna said...

മനോജ് ,
ലിങ്കിന് നന്ദി. താങ്കളുടെ പോസ്റ്റ് വായിച്ചു . മുസ്ലീം എന്ന് കേള്‍ക്കുമ്പോള്‍ ഹാലിളക്കം തുടങ്ങിയ ബാലിശമായ ക്ലീഷേകള്‍ ഒഴിവാക്കി എഴുതിയിരുന്നെങ്കില്‍ എന്ന് തോന്നി.
വിഷയത്തിലേക്ക് വരാം . ഇന്ത്യ പോലൊരു രാജ്യത്ത്‌ അഗാധമായ വിചാരത്തെക്കാള്‍ സാമന്യബുദ്ധിക്ക് പ്രസക്തിയുണ്ടെന്ന് വിശ്വസിക്കുന്ന ഒരാളാണ് ഞാന്‍ . മതവുമായി വിദ്യാഭ്യാസത്തെ കൂട്ടിക്കുഴക്കുന്നതില്‍പരം ഒരു തുഗ്ലക്ക് പരിഷ്കാരം വേറെയില്ല എന്നാണ് എന്റെ സാമാന്യബുദ്ധി എന്നോട് പറയുന്നത്.
മുസ്ലീം സമുദായത്തിന്റെ സാമാന്യ വിദ്യാഭ്യാസ രണ്ഗത്തെ ഉയര്‍ച്ചയാണ്‌ ലക്ഷ്യമെങ്കില്‍ സര്‍ക്കാര്‍ ചെയ്യേണ്ടിയിരുന്നത് അതതു പ്രദേശങ്ങളില്‍ കൂടുതല്‍ സ്കൂളുകളും ,കോളജുകളും (മദ്രസകളല്ല ) തുടങ്ങി , ആദ്യ ഘട്ടത്തില്‍ നിര്‍ബന്ധിത വിദ്യാഭ്യാസം (ആദിത്യന്‍ പറഞ്ഞതു പോലെ) നടപ്പിലാക്കുകയും, തുടര്‍ന്ന് പഠിക്കുവാന്‍ ആഗ്രഹമുള്ളവര്‍ക്ക് അതിനുള്ള അടിസ്ഥാന സൌകര്യങ്ങള്‍ ചെയ്തു കൊടുക്കുകയുമായിരുന്നു.
അല്ലാതെ രാവിലെ ആറുമുതല്‍ ഒന്‍പതു വരെ 'ഭൂമിയെ മൂടിവെച്ചിരിക്കുന്ന സ്വര്‍ണ്ണ പാത്രമാണ് ആകാശം' എന്നും, ഒന്‍പതു മുതല്‍ വൈകുന്നേരം മൂന്നു വരെ ' വെളിച്ചം കാട്ടുന്ന വെറുമൊരു ഭ്രമം മാത്രമാണ് ആകാശം ' എന്നും ഒരേ കൂരയ്ക്ക് കീഴിലിരുന്ന് തന്നെ പഠിക്കേണ്ടി വരുന്ന കുട്ടികളുടെ അവസ്ഥ ഒന്നു ആലോചിക്കു.

മാത്രമല്ല ഈ നിയപ്രകാരം മദ്രസ്സകള്‍ സി ബീ എസ്സിക്ക് തുല്യമാക്കിയാല്‍ പിന്നെയവ വിദ്യഭ്യാസ സ്ഥാപനങ്ങള്‍ തന്നെയല്ലേ? അങ്ങിനയെങ്കില്‍ ,ക്രിസ്ത്യന്‍ മാനേജ്മെന്റ് നടത്തുന്ന സ്ക്കൂളുകളില്‍ ബൈബിള്‍ പഠനവും , ഹിന്ദുക്കളുടെ സ്ഥപാനങ്ങളില്‍ വേദങ്ങളും, പുരാണങ്ങളും പഠിപ്പിച്ച് തുടങ്ങുന്നതിലും തെറ്റില്ല എന്നാണോ താങ്കളുടെ പക്ഷം?

പിന്നെ ,വികാരം മനുഷ്യന് ഏറ്റവും ആവശ്യമായ ഒന്നാണ് സുഹൃത്തെ . സാമാന്യബുദ്ധിയിലൂടെ വികാരത്തെ വിവക്ഷിക്കുന്നതിനാല്‍ മാത്രമാണ് മനുഷ്യന്‍ മൃഗങ്ങളില്‍ നിന്നും വ്യതസ്തനാകുന്നത്

[Shaf] said...

രണ്ടു മൂന്നു വെബ്‌സൈറ്റില്‍ നിന്ന് കാര്യങ്ങള്‍ ചികഞ്ഞെടുത്താല്‍ അത് വിശദമായ പഠനമാകുമെന്ന് അഭിപ്രായമില്ല. പക്ഷേ, ചര്‍ച്ചകളും വിശകലനങ്ങളും ഇത്തരം ഉദ്ധരണികള്‍ ഉള്‍ക്കൊള്ളുന്നതായിരിക്കും, എപ്പോഴും. അതിനെന്ത് പേരിട്ടു വിളിച്ചാലും അതും പഠനത്തിന്റെയും അറിവ്‌ ആര്‍ജ്ജിക്കുന്നതിന്റെയും ഭാഗമാണ്‌; ഒഴിച്ചു കൂടാനാവാത്തത്. മുന്‍‌വിധിയോടു കൂടി കാര്യങ്ങള്‍ എത്ര പഠിച്ചാലും അത് ഒരു ലക്ഷ്യത്തിലേ എത്തിച്ചേരൂ.
ഇപ്പോള്‍ നിലവിലുള്ള മദ്രസാ സമ്പ്രദായത്തെ അങ്ങനെ തന്നെ അംഗീകാരം നല്‍കുന്ന പദ്ധതിയല്ല; മറിച്ച് ശാസ്ത്രവും, കമ്പ്യൂട്ടറും ഒക്കെ ഉള്‍ക്കൊള്ളിച്ചാണ്‌ ഈ പദ്ധതി നടപ്പിലാക്കാന്‍ പോകുന്നത് .
--
പിന്നെ ,വികാരം മനുഷ്യന് ഏറ്റവും ആവശ്യമായ ഒന്നാണ് .സാമാന്യബുദ്ധിയിലൂടെ വികാരത്തെ വിവക്ഷിക്കുകയാണേല്‍..

നന്ദി സുഹൃത്തേ..:)

[Shaf] said...

ചര്‍ച്ചകള്‍ വളരെ നല്ലതാണ് ..

Ginto said...

Shaaf: I don't know where you got the idea of prejudiced approach here.

Your words about the existing madrassa systems being changed with modern studies in the proposed scheme , doesn't explain whether the religious studies at the madrassas would be changed also ? If not , as Arjun asked above do you agree with the idea of Bible,Hindu myths and Vedas being compulsorily thought at general educational institutions run by concerned managements?

Anonymous said...

ചുമ്മാ എല്ലാ മദ്രസകളും സ്ക്കൂളുകള്‍ ആക്കട്ട് അണ്ണന്മാരെ . എന്നിട്ട് കഷ്മീരിലീയിടെ ഒരുത്തന്‍ ഇറക്കിയത് പോലെ ഗാന്ധിജിയെ അല്ല നബിയെ വേണം മുസ്ലീങ്ങള്‍ മാതൃകയാക്കാന്‍ എന്ന് ഫത്വ ഇറക്കി കളിച്ച് പിള്ളേരെ മൊല്ലാമാര് പടിപ്പിക്കെട്ടെന്ന്.

[Shaf] said...

മനോജിനെപ്പോലെ ഒരു detailed study നടത്തിയിട്ടുള്ള ഒരു പോസ്റ്റല്ല ഇത്.
"മദ്രസയിലേക്ക് ഭൗതിക വിദ്യാഭാസം കൊണ്ടു വരികയോ.. എന്റമ്മോ" എന്ന ഒരു ചിന്താഗതിയിലാണിത് കുറിച്ചിട്ടുള്ളത്.
അതാണ്‌ ഞാന്‍ സൂചിപ്പിച്ച prejudiced approach.
മദ്രസയിലേക്ക് ഇത് കൊണ്ടു വരുന്നത് വിശ്വാസം തകര്‍ക്കാനല്ല. സ്ക്കൂളില്‍ പോകാത്ത അവസ്ഥ നിലവിലുണ്ടെങ്കില്‍ അതിനൊരു പരിഹാരമായിട്ടാണ്‌. അങ്ങനെയെങ്കില്‍ മദ്രസയില്‍ പഠിക്കുന്ന കുട്ടികള്‍ തന്നെ ഇത്ര കാലമായിട്ട് ഭൗതിക പാഠശാലകളില്‍ പഠിക്കുന്നുണ്ടല്ലോ. sunday school ല്‍ പഠിക്കുന്ന കുട്ടികള്‍ ബൈബിള്‍ പഠിക്കുകയും സ്ക്കൂളില്‍ പോവുകയും ചെയ്യുന്നില്ലേ.. വേദങ്ങള്‍ പഠിക്കുന്ന കുട്ടികള്‍ സ്ക്കൂളില്‍ പോകാത്തവരല്ലല്ലോ... ഇതു വരെ ഇങ്ങനെ ആശയങ്ങള്‍ കൂടിക്കുഴയുന്ന കുഴപ്പം വന്നിട്ടില്ലല്ലോ.. എല്ലാ കുട്ടികളും തങ്ങളുടെ മതങ്ങളില്‍ നല്ല പോലെ വിശ്വസിക്കുന്നു. സ്ക്കൂളില്‍ നല്ല പോലെ പഠിക്കുന്നു.
ഇത് ഒരേ കെട്ടിടത്തിലാകുന്നു എന്നതാണോ പ്രശ്നം. ( This also might have been derived from the prejudiced approach)
(ഓരോരുത്തര്‍ക്കും അവരുടെ മതവിശ്വാസം രക്ഷിതാക്കളില്‍ നിന്നുംസ്വന്തം സാഹചര്യങ്ങളില്‍ നിന്നും ലഭിക്കുന്നതാണ്‌. ഭൗതികചിന്തയും ഇതും കൂടിക്കലരണമെങ്കില്‍ കുട്ടി സ്വയം ചിന്തിച്ച് കാര്യങ്ങള്‍ കണ്ടെത്താനുള്ള പ്രാപ്തിയെത്തണം. അപ്പോള്‍ അവരായി അവരുടെ പാടായി.. ഇവിടെ മതവും വിദ്യാഭാസവും തമ്മില്‍ ഒരു തമ്മില്‍ത്തല്ല് നടക്കുന്നില്ല. നിങ്ങളായിട്ട് അതുണ്ടാക്കരുത്)
anyway no more comments on this

Anonymous said...

അപ്പ അതാണ്‌ കാര്യം, എല്ലാ മദ്രസകളും പൊതു വിദ്യാഭ്യാസ സ്ഥാപനങ്ങലാക്കിയ എല്ലാ പ്രശനങ്ങളും തീരും? അല്ലാതെ മുകളില്‍ ഇതെഴുതിയ അര്‍ജ്ജുന്‍ പറഞ്ഞതു പോലെ സ്കൂളുകള്‍ തുടങ്ങുക,നിര്ബന്ദിത വിദ്യാഭ്യാസം നടപ്പാക്കുക എന്നതല്ല പരിഹാരം? കൊള്ളാം മക്കളെ കൊള്ളാം

Manoj മനോജ് said...

അഭിപ്രായങ്ങള്‍ക്ക് നന്ദി.
അര്‍ജുന്‍-കൃഷ്ണ: ഞാന്‍ പോസ്റ്റില്‍ അങ്ങിനെ തുടങ്ങിയത് മലയാളത്തില്‍ മാത്രമല്ല ഇന്ത്യന്‍ മെസ്സേജ് സൈറ്റുകളില്‍ മുഴുവന്‍ ഒരേ ശൈലിയിലുള്ള എതിര്‍പ്പിനെ കണ്ടത് കൊണ്ടാണ്.

ഇന്ത്യയില്‍ എല്ലാവര്‍ക്കും വിദ്യാഭ്യാസം എന്ന പദ്ധതി തുടങ്ങിയിട്ട് പതിറ്റാണ്ടുകളായി എന്ത് കൊണ്ട് വിജയിച്ചില്ല? നിര്‍ബന്ധിത വിദ്യാഭ്യാസ നിയമത്തോടൊപ്പം ബാല വേലയും നിരോധിച്ചു എന്നിട്ടോ?

പിന്നെ തെളിച്ച വഴിയെ വന്നില്ലെങ്കില്‍ പോകുന്ന വഴി തെളിക്കുവാന്‍ നോക്കുക.

ന്യൂനപക്ഷ വിദ്യാഭ്യാസത്തിന് മുന്‍ ഗണന കൊടുക്കുന്നത് ചില പ്രത്യേക സാഹചര്യം കൊണ്ട് തന്നെയാണ്. പെണ്‍കുട്ടികളുടെ വിദ്യാഭ്യാസത്തിനായി ഇപ്പോള്‍ പ്രത്യേക പദ്ധതികള്‍ രൂപീകരിച്ചു. ഇതെല്ലാം യു.എന്‍.ന്നിന്റെ 2015ല്‍ എല്ലാവര്‍ക്കും വിദ്യാഭ്യാസം എന്ന ലക്ഷ്യത്തിന്റെ അനന്തരഫലമായിട്ടാണ്.

മുംബൈ തെരുവുകളിലെ കുട്ടികള്‍ക്ക് (ഒരു ഉദാ.) പല എന്‍.ജി.ഒ. കളും അവിടെ ചെന്ന് വിദ്യാഭ്യാസം കൊടുക്കുന്നുണ്ട്. അവരില്‍ നല്ല വിദ്യാര്‍ത്ഥികള്‍ക്ക് ഓപ്പണ്‍ സ്കൂള്‍ പരീക്ഷ എഴുതുവാന്‍ സഹായിക്കുന്നുണ്ട്.

ArjunKrishna said...

മനോജ് : തെളിച്ച വഴി പോയില്ലെങ്കില്‍ പോയ വഴി തെളിക്കുക എന്ന മനോഭാവമാണ് നമ്മുടെ നാടിനെ ഇന്നത്തെ സ്ഥിതിയില്‍ എത്തിച്ചത്. ഏതെങ്കിലും ഒരു പ്രത്യേക വിഭാഗത്തിന്റെ ആവശ്യങ്ങള്‍ക്കനുസരിച്ച് വളയാനുള്ളതല്ല നിയമങ്ങള്‍. ഉണ്ടാക്കിയ നിയമങ്ങള്‍ തന്നെ മര്യാദക്ക് പാലിക്കുവാന്‍ ഇന്നേ വരെ ഒരു സര്‍ക്കാരിനുംസാധിച്ചിട്ടില്ല . എന്നിട്ടല്ലേ ഇതിന് മുകളില്‍ പുതിയ നിയമങ്ങള്‍ കൊണ്ട് വരുന്നതും, അവ കൃത്യമായി പാലിക്കപ്പെടും എന്ന് ഉറപ്പു വരുത്തുന്നതും?

രാമനോടും, അല്ലാഹുവിനോടും, ക്രിസ്തുവിനോടും ചോദിച്ച ശേഷമേ ഭാര്യയുമായി സഹശയനം പോലും പാടുള്ളു എന്ന നിലയിലേക്ക് ഇന്ത്യ എത്താന്‍ ഇനി ഏറെ ദൂരമൊന്നും ഇല്ല എന്നിരിക്കെ മതവും, പൊതു വിദ്യാഭ്യാസവും കൂട്ടി ഇണാക്കതിരിക്കുകയല്ലേ നല്ലത്?

ഇന്ന് മദ്രസകള്‍ക്ക് ഈ അവകാശം കൊടുത്താല്‍ നാളെ വേദ പഠന ശാലകള്‍ക്കും , ബൈബിള്‍ ക്ലാസുകള്‍ക്കും തുല്യ പദവി വേണം എന്ന ആവശ്യം ഉയര്‍ന്നേക്കാം.അനുവദിച്ചില്ലെങ്കില്‍ മത ലഹളകള്‍ പൊട്ടി പുറപ്പെടാനുള്ള സാഹചര്യമാവും ഒരുങ്ങുക.
ഇനി അവ നല്‍കിയാല്‍ പിന്നെ ഹിന്ദുവിന്റെ കുട്ടി , വേദ ശാലകളിലും, കൃസ്ത്യന്‍ ബൈബിള്‍ ക്ലാസുകളിലും ,മുസ്ലീം മദ്രസകളിലും മാത്രം പഠിക്കുന്ന ഒരു സ്ഥിതി വിശേഷം വന്നു ചേരും .

അറിവിനെക്കാളും ഇന്നത്തെ പൊതു വിദ്യാഭ്യാസ രംഗത്ത്‌ നിന്നും കുട്ടികള്ക്ക് ലഭിക്കുന്നത്‌ വിവിദ സംസ്കാരങ്ങളില്‍പ്പെട്ട / മതങ്ങളില്‍പ്പെട്ട മറ്റു കുട്ടികളുമായി അടുത്തിടപഴകി ,ഒരേ ബെഞ്ചിലിരുന്നു പഠിച്ചു വളരാനുള്ള സാഹചര്യമാണ്. വളര്‍ത്തു ദോഷം ഒന്നും ഇല്ലെങ്കില്‍ കുട്ടികള്‍ അന്യ സംസ്കാരത്തെയും, മതത്തെയും ബഹുമാനിക്കാന്‍ പഠിക്കുന്ന സാഹചര്യം ഇതിലും നല്ലത് വേറെ ഉണ്ടോ? മദ്രസകളില്‍ പൊതു വിദ്യാഭ്യാസം തുടങ്ങിയാല്‍ ഈ സാഹചര്യം ഉരുവാകുമോ? മുട്ട് ന്യായമായി ഏത് മതത്തില്‍പ്പെട്ട കുട്ടികള്‍ക്കും അവിടെ ചേര്‍ന്നു പഠിക്കാം എന്ന് വേണമെങ്കില്‍ പറയാം.

പ്രായോഗികമല്ലാത്ത അത്തരം നടപടികളേക്കാള്‍ ഇന്നത്തെ സാഹചര്യങ്ങള്‍ കൂടുതല്‍ മെച്ചപ്പെടുത്തി, അവയുടെ ഗുണങ്ങള്‍ കൂടുതല്‍ പേരിലേക്ക് എത്തിക്കാന്‍ ശ്രമിക്കുന്നതല്ലേ നല്ലത്? ഈ നിയമത്തിനു സര്‍ക്കാര്‍ കാണിക്കുന്ന ആവേശത്തിന്റെ പകുതി മതി അതിന്.

പിന്നെ നിര്‍ബന്ധിത വിദ്യാഭ്യാസം ,ബാല വേല നിരോധനം തുടങ്ങി ഏത് നിയമവും ഒരു കാലത്തും സ്വയം നടപ്പിലായ ചരിത്രവും ലോകത്തില്ല. അതിന് അതാതു രാജ്യങ്ങളിലെ ഭരണാധികാരികള്‍ രാജ്യത്തിന്റെ നന്മക്കും കൂടി പ്രവര്‍ത്തിക്കുന്നവരാകണം . കൂടാതെ ജനങ്ങളും ,മാധ്യമങ്ങളും ആര്‍ജ്ജവമുളളവരായിരിക്കണം .ഇതൊന്നും ഭാരതീയര്‍ക്ക് അവകാശപ്പെടാന്‍ സാധിക്കില്ല എന്ന് കഴിഞ്ഞ അറുപത്തിരണ്ട് വര്‍ഷങ്ങളായി ദിവസം പ്രതി തെളിഞ്ഞ് കൊണ്ടിരിക്കുകയല്ലേ? അങ്ങിനെയുള്ള ഒരു ജനതയ്ക്ക് നേരെ ഇത്തരം ഒരു നിയമം എറിഞ്ഞു കൊടുക്കുന്നത് , വെടിമരുന്നിന് നേരെ തീപ്പെട്ടിക്കൊള്ളി ഉറച്ചെരിയുന്നതിനു സമമായി മാറിയേക്കാം. അല്ലെങ്കില്‍ തത്പര കക്ഷികള്‍ അതിനെ അങ്ങനെ മാറ്റിയേക്കാം.

Manoj മനോജ് said...

അര്‍ജുന്‍-കൃഷ്ണ:
ഈ ലിങ്കുകള്‍ നോക്കൂ
http://specials.rediff.com/news/2009/feb/03video-muslim-madrasas-attract-hindu-students.htm

http://in.news.yahoo.com/139/20090130/808/tnl-west-bengal-s-madrassas-attracting-h.html

2004നു മുന്‍പേ തന്നെ ബീഹാറില്‍ നടന്നത് ഈ ലിങ്കില്‍ http://www.rediff.com/news/2003/feb/22bihar.htm


നടക്കില്ല എന്ന് ഉറപ്പിച്ച് പറയുന്നതിന് മുന്‍പ് നടപ്പിലായ ഉദാഹരണങ്ങളിലേയ്ക്ക് നോക്കുന്നതല്ലേ നല്ലത്. അവര്‍ക്ക് അത് കഴിഞ്ഞെങ്കില്‍ പിന്നെ എന്ത് കൊണ്ട് ഇന്ത്യയില്‍ മറ്റ് സ്ഥലങ്ങളിലും കഴിയില്ല?

പിന്നെ ഒരു കാര്യം കൂടി പഴയ മതപഠന (പരിവര്‍ത്തന) കേന്ദ്രങ്ങളാണ് ഇന്ത്യയില്‍ ഇന്നുള്ള തരത്തിലെ വിദ്യാലയങ്ങളായി മാറിയിട്ടുള്ളവയെല്ലാം. അത് മനസ്സിലാകാന്‍ കുറച്ച് പുറകോട്ട് പോകേണ്ടി വരും.

ടെലസ്കോപ്പ് കണ്ട് പിടിച്ചത് 400 വര്‍ഷം കഴിഞ്ഞാണെങ്കിലും വത്തിക്കാന്‍ അംഗീകരിച്ചില്ലേ. വിദ്യാഭ്യാസത്തിലൂടെ മതങ്ങള്‍ ഫ്ലെക്സിബിളാകും (വിശ്വാസികള്‍ കിട്ടണമെങ്കില്‍) എന്നതിന് ഇതില്‍ കൂടുതല്‍ തെളിവെന്തിനാണ്?

Aadityan said...

മാധ്യമങ്ങള്‍ പറയുന്നതു അത് പോലെ വിഴുങ്ങി സ്വന്തം തല ഉപയോഗിച്ചു ചിന്തിക്കാന്‍ മടിക്കുന്ന മലയാളീയുടെ uttama പ്രതീകം അന്ന് മനോജ് എന്നാണ് എന്നികു തോന്നുനത് .

He is the only person who showers links in this discussion instead of thoughts.
So you say , it took 400 years to accept telescope by a relativly flexible relegion like christianity ...... just think how many generations might have passed away with out knowing about this during this 400 years????

ArjunKrishna said...

മനോജ്: ഇന്ത്യയുടെ മറ്റ് ഭാഗങ്ങളില്‍ ബീഹാറിലും ,ബംഗാളിലും നടന്നത് പോലെ അന്യ മതസ്ഥര്‍ പൊതു വിദ്യാഭ്യാസം മദ്രസകളില്‍ നിന്നു നേടുകയാണെങ്കില്‍ വളരെ നല്ലത്. പക്ഷേ ഈ ഒരു രീതി മറ്റ് സംസ്ഥാനങ്ങളിലേക്ക് സുഗമമായി വ്യാപിക്കാന്‍ ഇവിടുത്തെ "ഈശ്വര" സ്നേഹികള്‍ സമ്മതിക്കും എന്ന് തോന്നുന്നുണ്ടോ ? അവര്‍ ഇതിനെ എപ്പോഴും ഒരു പൊട്ടന്‍ഷ്യല്‍ ബോംബായ് കണ്ടു ഉപയോഗിക്കാനുള്ള സാധ്യതകള്‍ കൂടുതലല്ലേ? മാതാചാര സംബന്ധിയായ എന്തെങ്കിലും അടയാളങ്ങളോ മറ്റോ അന്യമതസ്ഥര്‍ നടത്തുന്ന സ്ഥാപനങ്ങളില്‍ വെച്ചു അപനിക്കപ്പെട്ടു എന്നൊരു പ്രചരണം ഉണ്ടായാല്‍ മാറാടും,ഒറീസ്സയും, ഗോദ്രയും, കാശ്മീരും ഒക്കെ പ്രാദേശികമായി വികസിപ്പിച്ചെടുക്കുന്ന പുണ്യവാന്മാരുടെ നാടാണിത് എന്ന് ഓര്‍ക്കുക.
താങ്കളുടെ വാക്കുകളിലെ ഉദ്ദേശശുദ്ധി അതിന്റെ പൂര്നതയില്‍ത്തന്നെ എനിക്ക് മനസിലാകുന്നുണ്ട് . അത് പോലെ ഓരോ ഭാരതീയനും ചിന്തിച്ച് തുടങ്ങിയാല്‍ പ്രശ്നങ്ങള്‍ ഒന്നുമില്ല. പക്ഷേ ഹിന്ദു പ്രധാനമന്ത്രിയുടെ കീഴില്‍ മുസ്ലീമുകള്‍ക്കും,മുസ്ലീം ഭരണാധികാരിക്ക് കീഴില്‍ ഹിന്ദുവിനും സുരക്ഷിതത്വം ഉണ്ടാവുമോ എന്ന ആശങ്കയില്‍ ഒരു രാജ്യത്തെ തന്നെ രണ്ടായി വെട്ടി മുറിച്ച നേതാക്കളുടെ നാടാണിത്. അറുപത്തിയൊന്ന് വര്‍ഷങ്ങള്‍ പിന്നിട്ടിട്ടും മതത്തിന്റെ പേരില്‍ കൂട്ടക്കൊലകള്‍ നടത്താന്‍ മടിയില്ലാത്ത അനുയായികള്‍ ഇന്നും അവര്‍ക്കീ നാട്ടില്‍ കിട്ടും എന്ന് ഓര്‍ക്കുക.അതിനിടയില്‍ ഇങ്ങനെ ഒരു ആയുധം അവര്ക്കു വെച്ചു നീട്ടണോ?

Anonymous said...

Dear Arjun...

You said it... I mean the last comment...

കടവന്‍ said...

അതെ വികാരംകൊല്ലതിരിക്ക്. അടുത്തത് സെമിനാരികള്‍ ഡിംഡ് യുനിവേര്സിസിറ്റികളും ,പാഴൂര്‍ പടിപ്പുര റിസേര്‍ച്ച് അക്കാദമിയും ആക്കട്ടെ

ഇതാണ് നമ്മുടെ നാടിന്റെ കുഴപ്പം. ഇനി നാളെ കാശ്മീര്‍ പാക്കിസ്ഥാന് വിട്ടു കൊടുക്കാന്‍ തീരുമാനിച്ചാലും ,വികാരം കൊള്ളാതെ അതിന്റെ നല്ല വശങ്ങള്‍ കാണു എന്ന് പറയാന്‍ ഇവിടെ ബുദ്ധിജീവികള്‍ ഉണ്ടാകും.

Manoj മനോജ് said...

ആദിത്യന്‍:
:) ചരിത്രം നോക്കണമെങ്കില്‍ എനിക്ക് ഇവിടത്തെ ഇ-ലൈബ്രറിയില്‍ നിന്നും പുസ്തകം എടുത്ത് വായിക്കാം. പക്ഷേ ഇന്ന് ഇന്ത്യയിലും കേരളത്തിലും നടക്കുന്നത് അറിയണമെങ്കില്‍ ഇവിടെ എനിക്ക് തല്‍ക്കാലം പത്രങ്ങള്‍ മാത്രമേ രക്ഷയുള്ളൂ :) പിന്നെ “ഓഫ് ഹാന്‍ഡ്” പറയാതെ റെഫറന്‍സ് കൊടുക്കുകയെന്നത് എന്റെ ജോലിയുടെ ഭാഗമായി പോയത് കൊണ്ടാണ്.

പിന്നെ 400 വര്‍ഷം... അതെ കടുത്ത ചിന്താഗതിക്കാരായ അവരെ വരെ മാറ്റുവാന്‍ ഈ നൂറ്റാണ്ടിന് കഴിയുന്നു എന്ന് പറയുവാനാണത് എഴുതിയത്.

അര്‍ജുന്‍:
“ഈ ഒരു രീതി മറ്റ് സംസ്ഥാനങ്ങളിലേക്ക് സുഗമമായി വ്യാപിക്കാന്‍ ഇവിടുത്തെ "ഈശ്വര" സ്നേഹികള്‍ സമ്മതിക്കും എന്ന് തോന്നുന്നുണ്ടോ?” താങ്കള്‍ പറഞ്ഞത് എന്റെയും മനസ്സിലുണ്ട്. ദാ ഇന്ന് പത്രത്തില്‍ വായിച്ചതും അത് തന്നെ യു.പി.യിലെ സ്റ്റേറ്റ് മദ്രസ്സ ഈ പദ്ധതി തങ്ങള്‍ക്ക് വേണ്ട എന്ന് പറഞ്ഞ് കഴിഞ്ഞു. ഇത് നടപ്പിലാക്കിയാല്‍ പര്‍ദ്ദയിടാത്ത പെണ്‍കുട്ടികള്‍ മദ്രസ്സയില്‍ വരുമെന്നതാണ് കാരണം അത്രേ! (ആദിത്യ, റെഫറന്‍സ് വേണമെങ്കില്‍ ഗൂഗിളില്‍ സര്‍ച്ച് ചെയ്ത് കണ്ട് പിടിക്കുക).

Prasanth. R Krishna said...

ഈ നീക്കത്തെ ഒരുവിധം പ്രീണനമായ് മാത്രമേ കണക്കാക്കാന്‍ കഴിയൂ. സാര്‍‌വ്വവിദ്യാഭ്യാസം അത്യപേക്ഷികം തന്നെ. ജതി മതം വര്‍ഗ്ഗം ഇതൊനൊക്കെ അപ്പുറമുള്ള വിദ്യാഭ്യാസം നല്‍കി നല്ല പൗരന്മാരെ സ്യഷ്ടിക്കേണ്ടത് കാലഘട്ടത്തിന്റെ ആവശ്യകതായാണ്. ഇന്നു എല്ലാ മത വിഭാഗങ്ങള്‍ക്കും സ്കൂളുകളും കോളജുകളും ഉണ്ട്. അവിടെ അതാതു മതക്കാരുടെ കുട്ടികള്‍ക്ക് പരോക്ഷമായും പ്രത്യക്ഷമായും സീറ്റുകളും റിസര്‍‌വ് ചെയ്തിട്ടുണ്ട്. ഇന്ന് മുസ്ലീം മദ്രസകള്‍ക്ക് ഈ അവകാശം കൊടുത്താല്‍ ഉണ്ടാകുന്ന ദൂഷ്യ വശങ്ങള്‍ കൂടി നമ്മള്‍ ആലോചിക്കേണ്ട വിഷയമാണ്. മുസല്‍മാന്റെ വേദ പഠനവേദികള്‍ക്ക് ഈ പദവികള്‍ നല്‍കിയാല്‍ ഇവിടുത്തെ ക്യസ്ത്യന്‍ സഭകളും, ഹൈന്ദവ സമാജങ്ങളും അതു അപ്പാടെ വിഴുങ്ങും എന്നു കരുതാന്‍ കഴിയുമോ? അവര്‍ ആവശ്യപ്പെട്ടാല്‍ അവര്‍ക്കും കൊടുക്കേണ്ടേ തതുല്യപദവി? ഇല്ലങ്കില്‍ കൂട പഠിക്കുന്ന സഹപാഠിയോട് ബസില്‍ വച്ചു സംസാരിച്ചതിനു തട്ടികൊണ്ടുപോകലും ഗളഛേദവും നടത്തുന്ന ശ്രീരാമഭകതന്‍മാരും ഞയറാഴ്‌ച ദൈവ്വങ്ങളും അടങ്ങി ഇരിക്കുമോ? വര്‍ഗ്ഗിയ ലഹളകള്‍ പൊട്ടിപുറപ്പെടാന്‍ കാരണങ്ങളൊന്നും വേണ്ട.

ഇനി ഈ തരം മതപഠനശാലകളില്‍ നിന്നും ബൈബിളും ഖുറാനും വേദോപനിഷത്തും അപ്പാടെ വിഴുങ്ങി ബിരുദ ധാരികളായ് ഇറങ്ങുന്നവര്‍ തെരുവില്‍ പരസ്പരം വാളെടുക്കയല്ലേ ഉള്ളൂ. ഇന്നത്തെ പൊതു വിദ്യാഭ്യാസ രംഗത്ത്‌ വെറും അറിവിനപ്പുറം നമ്മുടെ കുഞ്ഞുങ്ങള്‍ക്ക് കിട്ടികൊണ്ടിരിക്കുന്ന വിവിധ മതസ്ഥരായ കുട്ടികളോട് ഇടപഴകാനും നാനാജാതി മതങ്ങളേയും സംസ്കാരങ്ങളേയും ബഹുമാനിക്കാനും പഠിക്കുന്ന സാഹചര്യം സംജാതമാകുമോ?

മത വിദ്യാഭ്യാസ സ്ഥാപനങ്ങളെ അവരുടെ വഴിക്കുവിട്ടുകൊണ്ട് പൊതു വിദ്യാഭ്യാസ സ്ഥാപനങ്ങള്‍ തുടങ്ങി അതുവഴി സാര്‍‌വ്വ വിദ്യാഭ്യാസം നടപ്പാക്കവുന്നതല്ലേ? വീണ്ടും നമ്മുടെ കുട്ടികളെ നീ വെള്ളിയാഴ്ച ദൈവ്വത്തിന്റെ ആളാണ്, നീ ഞയറാഴ്ച ദൈവ്വത്തിന്റെ ആളാണ് നീ വിഗ്രഹാരാധനയുടെ ആളാണ് എന്നൊക്കെ തരം തിരിപ്പിക്കണോ? വെടിമരുന്നിന് കത്താന്‍ ഒരു തീപ്പൊരി മതി. അതു കത്തിപിടിച്ചാല്‍ പിന്നെ കെടുത്തുക അത്ര എളുപ്പമല്ല. ഒരു മാറാടും, ഒറീസ്സയും, ഗോദ്രയും ഒക്കെ വീണ്ടും ആവര്‍ത്തിക്കപ്പെടാന്‍ നമ്മള്‍ തന്നെ ആയുധം കൈയ്യില്‍ വച്ചുകൊടുക്കണോ? അറുപത്തി രണ്ടു വര്‍ഷങ്ങള്‍ പിന്നിട്ടിട്ടും വര്‍ഗീയകലാപങ്ങള്‍ കെട്ടടങ്ങാത്ത ഭൂമിയാണ് നമ്മുടേതന്ന് ആരും വിസ്മരിക്കരുത്.


ഇവിടുത്തെ പബ്ബുകളും പള്ളികളും അമ്പലങ്ങളും തകര്‍ക്കുന്നവര്‍ വെറുതേ ഇരിക്കുമന്ന് തോന്നുന്നുണ്ടോ? ശ്രീരാമ സേവകരും കുഞ്ഞാടുകളും ഈ മദ്രസ‌സ്കൂളുകള്‍ തീയിടില്ല എന്ന് കരുതാനാകുമോ? ഒരു കുഞ്ഞങ്കിലും അതില്‍ വന്തുമരിച്ചാല്‍ ആളിപടരുന്ന തീയില്‍ ഇന്ത്യ കത്തിവെണ്ണിറാകില്ലന്നു ഉറപ്പിക്കാനാവുമോ? പാകിസ്താന് സ്വന്തം രാജ്യം ഒറ്റുന്ന കൂട്ടികൊടുപ്പുകാരുള്ള നമ്മുടെ നാട്ടില്‍ ദേശസ്നേഹമാണോ മതസ്നേഹമാണോ കൂടുതല്‍?